Page 137

1. mit stridu. uui so stillo sculun· freson is ferahes. that thit folc iudeono·
   
2. an thesun uuihdagun. uuroht ni afhebbien. || Tho geng imu thar
   
3. iudas ford· iungaro kristes. en thero tuelibio· that that adali sat. iu-
   
4. deono gumscepi. quad that he is im godan rad· seggian mahti. huat
   
5. uuilliad gi mi sellien her quad he. medmo te medu. ef ik iu thene
   
6. man gibu. ano uuig endi ano uuroht. Tho uuard thes uuerodes
   
7. hugi· thero liudio an lustun. ef thu uuili gilestien so quadun sie·
   
8. thin uuord giuuaron. than thu giuuald habes. huat thu at thesaru
   
9. thiodu· thiggean uuillies. godaro medmo. Tho gihet imu that
   
10. gumscepi thar· an is selbes dom· silubarscatto. thritig atsamne. endi
    
11. he te theru thiodu gisprak· derebeun uuordun. that he gabi is drohtin
    
12. uuid thiu. Uuende ina tho fan themu uuerode. uuas im uured hugi·
    
13. talode im so treulos. huan er uurdi imu thiu tid kuman. that
    
14. he ina mahti faruuisien. uuredaro thiodo. fiundo folke. Than uuisse
    
15. that fridubarn godes. uuar uualdand krist. that he these uuerold
    
16. scolde· ageben these gardos. endi sokien imu godes riki. gifaren
    
17. is fader odil. || Tho ni gisah enig firiho barno· meron minnie. than
    
18. he tho te them mannun ginam· te them is godun iungaron. gome
    
19. uuarhte. sette sie suaslico. endi im sagde filu· uuaroro uuordo.
    
20. Skred uuester dag· sunne te sedle. tho he selbo gibod. uualdand mid
    
21. is uuordun. het im uuater dragan· hluttar te handun. endi res tho
    
22. the helago crist· the godo at them gomun. endi thar is iungarono
    
23. thuog· foti mid is folmun. endi suarf sie mid is fanon aftar. druk-
    
24. nide sie diurlica. || Tho uuid is drohtin sprak· simon petrus. Ni