Page 135

1. fargabun. gidadun thurh diurida ‡· that antfeng iuuua drohtin
   
2. selbo. thiu helpe quam te hebencuninge. be thiu uuili iu the helago
   
3. drohtin· lonon iuuuomu gilobon. gibid iuu lif euuig.
   
4. Vuendid ina than uualdand. an thea uuinistron hand. the drohtin
   
5. te them farduanan mannun. sagad im that sie sculin thea dad ant-
   
6. gelden. thea man iro men giuuerk. Nu gi fan minun sculun qui-
   
7. dit he· faran so farflocane. an that fiur euuig. that thar giga-
   
8. reuuid uuard· godes andsacun. fiundo folke· be firinuuerkun.
   
9. huand gi mi ni hulpun· than mi hungér endi thurst. uuegde
   
10. te uundrun. eftha ik giuuadies los· geng iamermod. uuas mi
    
11. grotun tharf. than ni habde ik thar enige helpe. than ik ge-
    
12. heftid uuas. an litho kospun bilokan. eftha mi legar bifeng.
    
13. suara suhti. than ni uueldun gi min siokes thar· uuison mid
    
14. uuihti. Ni uuas iu uuerd eo uuiht. that gi min gehugdin. Be thiu
    
15. gi an hellie sculun. tholon an thiustre. Than sprikid imu eft
    
16. thiu thiod angegin. Uuola uualdand god quedad sie. hui uuilt
    
17. thu so uuit thit uuerod sprekan. mahlien uuid these menegi·
    
18. huan uuas thi io manno tharf. gumono godes. huat sie it al
    
19. be thinun gebun ehtun· uuelon an thero uueroldi. Than sprikid
    
20. eft uualdand god. Than gi thea armostun quidid he· eldibar-
    
21. no· manno thea minniston. an iuuuomu modsebon· helidos
    
22. farhugdun. letun sea iu an iuuuomu hugi lethe. bedeldun sie
    
23. iuuuaro diurda. than dadun gi iuuuomu drohtine so sama. gi uuer-
    
24. nidun imu iuuuaro uuelono. be thiu ni uuili iu uualdand god·