Page 130

1. an themu mareon daga iro drohtines· diurida antfahen. sagde im
   
2. huat sie ti sundiun frumidun. endi simlun gibod· that sie thea leskidin.
   
3. het sie lioht godes· minnion an iro mode. men farlaten. auoh obar-
   
4. hugdi. odmodi niman. hladen that an iro hertan. quad that im
   
5. than uuari hebenriki· garu godo mest. Tho uuard thar gumono so
   
6. filu· giuuendid aftar is uuillion. sidur sie that uuord godes· helag
   
7. gihordun· hebencuninges· antkendun craft mikil· kumi drohtines·
   
8. herron helpe. Ia that hebenriki uuas· neriendi ginahid. endi natha
   
9. godes· manno barnun. Sum so modeg uuas· iudeofolkes. habdun
   
10. grimman hugi. slidmoden sebon. Ni uueldun is uuorde gilobien.
    
11. ac habdun im geuuin mikil. uuid thea cristes craft. ‡ kumen ni mostun·
    
12. thea liudi thurh leden strid. that sie gilobon te imu· fasto gisengin.
    
13. Ni uuas im thiu frume gibidig. that sie hebenriki· habbien mostin. ||
    
14. Geng imu tho the godes sunu· endi is iungaron mid imu· uualdand
    
15. fan themu uuihe. all so is uuillio geng. Iac imu uppen thene berg
    
16. fisteg. barn drohtines. sat imu thar mid is gesidun. endi im sagde
    
17. filu· uuaroro uuordo. Sie bigunnun im tho umbi thene uuih
    
18. sprekan. thie gumon umbi that godes hus. quadun that ni uuari
    
19. godlicora. alah obar erdu. ‡ thurh erlo hand. thurh mannes giuuerk.
    
20. mid megincraft· rakud arihtid. Tho the rikio sprak· her heben-
    
21. cuning. hordun the odra· Ik mag iu gitellien quad he. that noh
    
22. uuirdid thiu tid kumen· that is afstanden ni scal· sten obar odru-
    
23. mu. ac it fallid ti fodu. endi it fiur nimid. gradag logna.
    
24. thoh it nu so godlic si. so uuislico giuuarht. endi so dod ‡