Page 111

1. gitellien. of gi thar to uuilliad· huggien endi horien· that gi thes
   
2. heliandes. mugun craft antkennien. huo is kumi uurdun· an the-
   
3. saru middilgard. managun te helpu. Ia huat he mid them dadiun·
   
4. drohtin selbo· manages mende. Ia be huiu thiu marie burg. hieri-
   
5. cho hetid. thiu thar an iudeon stad. gimacod mid murun. Thiu
   
6. is aftar themu manen ginemnid. aftar themu torhten tungle.
   
7. he ni mag is tidi bemiden. ac he dago gehuilikes· duod oder
   
8. uueder. uuanod ohtho uuahsid. So dod an thesaru uueroldi
   
9. her. an thesaru middilgard· menniscono barn. farad endi folgod·
   
10. frode sterbad. uuerdad eft iunga. aftarkumane. uueros auuah-
    
11. sane. unttat sie eft uurd farnimid. That mende that barn
    
12. godes. tho he fon theru burgi for· the godo fan hiericho. that ni
    
13. mahte er uuerden gumono barnun· thiu blindia gibotid. that sie
    
14. that berhte lioht· gisahin sinsconi· er than he selbo her· an thesaru
    
15. middilgard· menniski antfeng. flesk an lichamon. tho uurdun
    
16. thes firiho barn. giuuar an thesaru uueroldi. the her an uuitie er·
    
17. satun an sundiun· gisiunies lose. tholodun an thiustrie. sie assobun
    
18. that uuas thesaru thiod. kuman heleand te helpu. fan hebenrikie.
    
19. crist allaro cuningo best. sie mahtun is antkennien san. gifolien
    
20. is fardio. tho sie so filu hriopun· the man te themu mahtigon gode·
    
21. that im mildi aftar thiu· uualdand uurdi. Than uueridun ‡ suido
    
22. thia suarun sundeon. the sie im er selbon gidadun. lettun sie thes
    
23. gilobon. sie ni mahtun them liudiun tho· biuuerien iro uuilleon.
    
24. ac sie an uualdand god· hludo hriopun. antat he im iro heli fargaf.