Page 110

1. usan drohtin. thes sie dages liohtes· brucan mostrun. Geuuitun im
   
2. bedie mid imu. folgodun is ferdi. uuas im thiu fruma gibidig. endi
   
3. ok uualdandes uuerk· uuido gekudid. (XLIV.) managun gimarid. ||
   
4. Thar uuas so mahtiglic· bilidi giboknid. thar the blindon man.
   
5. bi themu uuege satun. uuiti tholodun. liohtes lose. that menid
   
6. thoh liudio barn. al mancunni. huo sie mahtig god. an themu ana-
   
7. ginne· thurh is enes craft. sinihun tue· selbo giuuarhte. adam endi
   
8. euan. fargaf im upuuegos· himilriki. Ac tho uuard im the hatola
   
9. té nah. fiund mid feknu· endi mid firinuuerkun. bisuek sie
   
10. mid sundiun. that sie sinsconi· lioht farletun. uurdun an ledaron
    
11. stedi. an thesen middilgard· man faruuorpen. tholodun her an
    
12. thiustriu· manarbedi. uunnun uuracsidos. uuelon tharbodun.
    
13. fargatun godes rikies. gramon theonodun. fiundo barnum. sie
    
14. guldun is im mid fiure lon. an theru heton helliu. be thiu uuarun
    
15. siu an iro hugi blinda. an thesaru middilgard. menniscono barn·
    
16. huand siu ine ni antkiendun. craftagne god. himilisken herron.
    
17. thene the sie mid is handun giscop. giuuarhte an is uuillion.
    
18. Thius uuerold uuas tho so farhuerbid. bithuungen an thiustrie.
    
19. an thiodarbidi. an dodes dalu. Satun im tho bi theru drohtines
    
20. stratun. iamarmode. godes helpe bidun. Siu ni mahte im tho
    
21. er uuerden. er than uualdand god an thesan middilgard. mah-
    
22. tig drohtin. is selues sunu· sendien uueldi. that he lioht antluki·
    
23. liudio barnun. oponodi im euuig lif. that sie thene alouualdon·
    
24. mahtin antkennien uuel· craftagna god. ok mag ik giu