Page 83

1. gumono. He sohte imu tho thene iudeono cuning· thene herito-
   
2. gon at hus· the heten uuas· herodes aftar is eldiron. obar-
   
3. modig man. buide imu be theru brudi. thiu er sines broder
   
4. uuas. Idis antehti. antat he ellior skoc. uuerold uueslode.
   
5. Tho imu that uuif ginam· the cuning te quenun. er uuarun iro
   
6. kind odan. barn be is broder. Tho bigan imu thea brud lahan·
   
7. iohannes the godo. quad that it gode uuari· uualdande uuider-
   
8. mod. that it enig uuero frumidi. that broder brud· an is bed
   
9. nami. hebbie sie imu te hiuun. Ef thu mi horien uuili· gilobien
   
10. minun lerun. Ni scalt thu sie leng egan. ac mid ire an thinumu
    
11. mode. Ni haba thar sulica minnea to. Ni sundeo thi te suido.
    
12. Tho uuard an sorgun hugi· thes uuibes aftar them uuordun.
    
13. andred that he thene uueroldcuning· spracono gesponi· endi
    
14. spahun uuordun. that he siefarleti. Began siu imu tho ledes
    
15. filu· raden an runon. endi ine rinkos het· unsundigane· erlos
    
16. fahan. endi ine an enumu karkerea· klustarbendiun· lido
    
17. cospun ‡. be them liudiun. ne gidorstun ine ferahu bilosien.
    
18. huand sie uuarun imu friund alle. uuissun ine so goden. endi
    
19. gode uuerden. ‡ || Tho uurdun an themu gertale· iudeocuninges·
    
20. tidi cumana· so thar gitald habdun· frode folcuueros· huo he
    
21. gifodid uuas· an lioht cuman. so uuas thero liudio thau. that
    
22. that er: gehuilic· obean scolde· iudeono mid gomun. The uuard
    
23. thar an thene gastseli· megincraft mikil· manno gesamnod. heri-
    
24. togono an that hus· thar iro herro uuas· an is kuningstole. quamun