Page 79

1. mari mahtig crist. menean uueldi. boknien mid thiu bilidiu·
   
2. barno rikeost. badun tho so gerno· godan drohtin. antlucan thea
   
3. lera. that sie mostin thea liudi ford. helaga horean. Tho sprak im
   
4. eft iro herro angegin· mareo mahtig crist. that is quad he
   
5. mannes sunu. Ik selbo bium that thar saiu. endi sind thesa
   
6. saliga man· that hluttra hren corni. thea mi her horead uuel·
   
7. uuirkiad minan uuillean. Thius uuerold is the accar. thit breda
   
8. buland· barno mancunnies. Satanas selbo· is that thar said aftar·
   
9. so ledlica lera. habad thesaro liudeo so filu· uuerodes auuardid. that
   
10. sie uuam frummien. uuirkead aftar is uuilleon. Thoh sculun
    
11. sie her uuahsen ford· thea forgriponon gumon. so samo so thea
    
12. godun man. anttat ‡ allaro accaro gehuilic· geripod an thesumu ri-
    
13. kea· sculun iro regangiscapu· frummien firiho barn. than tefarid
    
14. erda. that is allaro beuuo bredost. than kumid the berhto drohtin·
    
15. obana mid is engilo crafta. endi cumad alle tesamne· liudi the io
    
16. thit lioht gisaun. endi sculun than lon antfahan· ubiles endi go-
    
17. des. Than gangad engilos godes· helage hebenuuardos· endi lesat
    
18. thea hluttron man· sundor tesamne. endi duat sie an sinsconi·
    
19. hoh himiles lioht· endi thea odra an hellia grund· uuerpad thea
    
20. faruuarhton· an uuallar. di fiur. thar sculun sie gibundene· bit-
    
21. tra logna. thrauuerk tholon. endi thea odra thioduuelon· an
    
22. hebenrikea. huitaro sunnon· liohtean gelico. Sulic lon nimad·
    
23. uueros uualdadeo. So hue so giuuit egi· gehugdi an is hertan· ettha
    
24. [mudspelles megin· obar man ferid. endi thesaro uueroldes. Than is]