Page 73

1. themu lande uppan· thea lera cudean. ac geng imu tho the godo·
   
2. endi is iungaron mid imu· fridubarn godes· themu flode nahor· an
   
3. en skip innan. endi it scalden het· lande rumur· that ina thea liudi
   
4. so filu· thioda ni thrungi. Stod thegan manag· uuerod bi themu
   
5. uuatare. thar uualdand crist· obar that liudio folc· lera sagde. ||
   
6. Huat ik iu seggean mag quad he· gesidos mine. huo imu en erl bi-
   
7. gan· an erdu sehan· hren corni mid is handun. Sum it an hardan
   
8. sten· obanuuardan fel· erdon ni habda. that it thar mahti uuahsan.
   
9. eftha uurteo gifahan. kinan eftha bicliben. ac uuard that corn
   
10. farloren. that thar an theru leian gilag. Sum it eft an land
    
11. biuel· an erdun adalcunnies. bigan imu aftar thiu· uuahsen
    
12. uuanlico· endi uurteo fahan. hlod an lustun. uuas that land so god·
    
13. franisco gifehod. Sum it eft biuallen uuard· an ena starca stra-
    
14. tun. thar stopon gengun· hrosso hofslaga· endi helido trada·
    
15. uuard imu thar an erdu. endi eft up gigeng. bigan imu an
    
16. themu uuege uuahsen. Tho it eft thes uuerodes farnam· thes
    
17. folkes fard mikil. endi fuglos alasun. that is themu ecsan
    
18. uuiht· aftar ni moste· uuerdan te uuillean. thes thar an thene
    
19. uueg biuel. Sum uuard it than biuallen. thar so filu sto-
    
20. dun· thicchero thorno. an themu dage· uuard imu thar an
    
21. erdu. endi eft up gigeng. ken imu thar endi cliuode. Tho
    
22. sluggun thar eft crud an gimang. uueridun imu thene uuastom·
    
23. habda it thes uualdes hlea· forana forgangan. that it ni mahte
    
24. te enigaro frumu uuerden. ef it thea thornos. so thringan