Page 72

1. the he te helpu gesprak· manno barnun. endi so manag mahtig-
   
2. lic· tecan getogda· that sie gitruodin thiu bet. gilobdin an is lera.
   
3. He so managan lichamon· balusuhteo antband. endi bota ge-
   
4. skeride· fargaf fegiun ferah· them the fusid uuas· helid an
   
5. helsid. Than gideda ina the heland self· crist thurh is
   
6. craft mikil· quican aftar doda. let ina an thesaro uueroldi ford·
   
7. uunneono neotan. So helde he thea haltun man. endi thea ha-
   
8. bon so self. botta them thar blinde uuarun. let sie that berhte
   
9. lioht· sinsconi sean. sundea losda· gumono grimuuerk. Ni uuas
   
10. gio iudeono be thiu· lethes liudskepies· gilobo thiu betara.
    
11. (XXIX.) an thene helagon crist. ac habdun im hardene mod. suido
    
12. starkan strid. farstandan ni uueldun. that sie habdun for-
    
13. gangan· fiundun an uuillean. liudi mid iro gelobun. || Ni uuas
    
14. gio thiu latoro be thiu· sunu drohtines. ac he sagde mid uuordun·
    
15. huo sie scoldin gehalon· himiles riki. lerde aftar themu lande·
    
16. habde imu thero liudio so filu· giuuenid mid is uuordun. that
    
17. imu uuerod mikil· folc folgoda. endi he im filu sagda· be bili-
    
18. diun that barn godes. thes sie ni mahtun an iro breostun far-
    
19. standan. undarhuggean an iro herton. er it im the helago crist·
    
20. obar that erlo folc· oponun uuordun· thurh is selbes craft· seggean
    
21. uuelda. marean huat he mende. Thar ina megin umbi· thioda
    
22. thrungun. uuas im tharf mikil· te gihorienne· hebencuninges
    
23. uuarfastun uuord. He stod imu tho· bi enes uuatares stade.
    
24. Ni uuelde tho bi themu gethringe· obar that thegno folc. an