Page 60

1. Thesa quidi uuerdad uuara· that eo ne bilibid· ne hi thes lon sculi·
   
2. fora godes ogun· geld antfahan. meda managfalde. so huat so hi is
   
3. thurh mina minnea geduot. So hue so min than farlognid· liudi-
   
4. barno· helido for thesoro heriu. so dom ic is an himile so self· thar
   
5. uppe far them alouualdan fader· endi so than eft manno barno·
   
6. far theru mikilon menigi. So huilic so than eft manno barno·
   
7. an thesoro uueroldi ne uuili· uuordun mithan· ac giit far gumske-
   
8. pi· that he min iungoro si. thene uuilliu ic eft ogean· far godes
   
9. ogun. fora alloro firiho fader· that folc manag· for thene alo-
   
10. uualdon· alla gangad· rethinon uuid thene rikeon. thar uuilliu ic
    
11. imu an reht uuesan· mildi mundboro. so huemu so minun hir· uuor-
    
12. dun horid. endi thiu uuerc frumid· thea ic hir an thesumu berge
    
13. uppan· geboden hebbiu.
    
14. Habda tho te uuarun· uualdandes sunu· gelerid thea liudi. huo
    
15. sie lof gode· uuirkean scoldin. tho let hi that uuerod thanan·
    
16. an allaro halba gehuilica· heriskepi manno· sidon te seldon. hab-
    
17. dun selbes uuord· gehorid hebencuninges· helaga lera. so eo te uue-
    
18. roldi sint· uuordo endi dadeo· mancunnies manag· obar thesan mid-
    
19. dilgard· spracono thiu spahiron. so hue so thiu spel gefrang· thea
    
20. thar an themu berge gesprac· barno rikeast.
    
21. (XXIV). Geuuet imo tho umbi threa naht aftar thiu· thesoro thiodo
    
22. drohtin· an galileoland· thar he te enum gomun uuard· gebe-
    
23. dan that barn godes. thar scolda man ena brud geban· mu-
    
24. nalica magat. thar maria uuas· mid iro suni selbo· salig thiorna·