Heliand In Old Saxon
Heliand In Old Saxon
Page 174
Chr. apparet Mariae Magd. sepulchrum visitanti
Joh. XX. 11 18.
- iohannes endi petrus·
endi quamun thia iungron cristes· thia gisithos
- 2tesamne·
- Than stuod seragmuod·
en thera idise· oder sithu· griotandi obar them
- grabe· uuas iro iamarmuod·
Maria uuas that magdalena· uuas iro muod-
- githaht· selbo mid sorogon
sero giblandan· Ne uuissa huarod siu sokian
- scolda· thena herron
thar iro uuarun at thia helpa gilanga· Siu ni mohta
- thuo hofnu auuisan· that
uuib ni mahta uuop forlatan· ne uuissa huarod
- siu sia uuendian scolda·
gimerrid uuarun iro thes muodgithahti·
- Thuo gisah siu thena
mahtigan thar standan criste· thuoh siu ina cuthlico
- antkennian ni mohti·
er than hie ina cuthian uuelda· seggian that hie
- it selbo uuari· Hie fragoda
huat siu so sero biuuiepi· so harmo mid heton
- trahnin· Siu quat that
siu umbi iro herron· ni uuissi te uuaren huarod
- hie uuerthan scoldi·
Ef thu ina mi giuuisan mohtis· fro min ef ik thik
- fragon gidorsti· ef thu
ina hier an theson felise ginamis· uuisi ina mi
- mid uuordon thinon· than
uuari mi allaro uuilliono mesta· that ik ina
- selbo gisahi· Sia ni
uuissa sia thie suno drohtines· gruotta mid godaro
- spracun· Siu uuanda that
it thie gardari uuari· hofuuard herren sines·
- Thuo gruotta sia thie
helago drohtin· bi namen neriendero best· Siu
- geng im thuo nahor sniumo·
that uuib mid uuillion guodan· antkenda
- iro uualdand selban·
Mitha siu is· thuru thia minnia ni uuissa· uuelda
- ina mid iro uuordon gripan·
thiu fadmia an thena folko drohtin· nouan
- that iro frithubarn godes·
uuerida mid uuordon sinon· quat that siu ina
- mid uuihti ni mosti·
handon anthrinan· Ik ni steg noh quat hie te them
- himliscon fader· Ac ili
thu nu ofstlico· endi them erlon cutdi· bruothron
- minon· that ik user bethero
fader· alauualdan· iuuuan endi minan· suoth-
- fastan god· suokean uuilliu.
- (LXXI.) That uuib uuarth
thuo an uuunnon· that siu muosta sulican
- uuillion cuthian· seggian
fan im gisundon· Uuarth san garo· thiu idis
- an that arundi· endi
them erlon brahta· uuillspel uueron· that siu uualdand
- crist· gisundan gisauui·
endi sagda huo iru selbo gibod· torohtero tecno·
- Sia ni uueldun gitruoian
thuo noh· thes uuibes uuordon· that siu sulic
- uullspel brahte· gegnungo
fan themo godes suno· Ac sia satun im iamor-
- muoda· helithos hniuonda·
- Thuo uuarth thie helago
crist eft· opanlico oder sithu· drohtin gitogid·
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|