Heliand In Old Saxon
Heliand In Old Saxon
Page 172
Angelus resurrectionem Christi mulieribus annunciat.
Matth. XXVIII. 5 – 7. Marc. XVI. 6. 7. Luc. XXIV. 5 – 7.
- uuurthun· thiu fri an
forahton fan them grurie mikilon· furthor ne
- gidorostun· te themo
graue gangan· er sia thie godes engil· uualdandes
- bodo· uuordon gruotta·
quat that hie iro arundi· all bicunsti· uuerc endi
- uuillion· endi thero
uuibo hugi. hiet that sia im ne andredin· Ik uuet
- that gi iuuuan drohtin
suokat· neriendon crist· fan nazarethburg· thena
- thi hier quelidun· endi
an cruci slogun· iudeoliudi· endi an graf lagdun·
- sundilosian· Nu nist
hie selbo hier· ac hie ist astandan iu· endi sind
- thesa stedi larea· thit
graf an theson griote· Nu mugun gi gangan herod·
- nahor mikilu· Ik uuet
that is iu ist niud sehan· an theson stene innan·
- hier sind noh thia stedi
scina· thar is lichamo lag·
- Lungra fengun· gibada
an iro brioston· bleca idisi· ulitisconi uuib· Uuas
- im uuilspell mikil· te
gihorianne· that im fan iro heren sagda· engil
- thes alouualden· Hiet
sia eft thanan· fan them grabe gangan· endi faran
- te them iungron cristes·
seggian them is gisithon· suothon uuordon· that
- iro drohtin uuas· fan
dode astandan· Hiet oc an sundron· simon petruse·
- uuillspell mikil· uuordon
cuthian· cumi drohtines· gie that crist selbo
- uuas· an galileoland·
thar ina eft is iungron sculun· gisehan is gisithos·
- so im er selbo gisprac·
uuaron uuordon·
- Reht so thuo thiu uuib·
thanan gangan uueldun· so stuodun im tegegnes
- thar· engilos tuena·
an alahuiton· uuanamon giuuadion· endi spracun mid
- iro uuordon tuo· helaglico·
Hugi uuarth giblothid· then idision an egison·
- Ne mahtun an thia engilos
godes· bi themo uulite scauuon· uuas im thiu
- uuanami te strang· te
suithi te sehanne·
- Thuo spracun im san angegin·
uualdandes bodun· endi thiu uuib fragodun·
- te hui sia cristan tharod·
quican mid dodon· suno drohtines· suokian
- quamin. ferahes fullan·
Nu gi ina ni findat hier· an theson stengrabe·
- ac hie ist astandan nu·
an is liclic hamen· thes gi gilobian sculun· endi
- gihuggian thero uuordo·
the hie iu te uuaron oft· selbo sagda· thann
- hie an iuuuon gisithe
uuas· an galileolande· huo hie scoldi gigeban uuerthan·
- gisald selbo· an sundigaro
manno· hetandero hand· helag drohtin· that
- sia ina quelidin· endi
an cruci slogin· dodan gidadin· endi that hie scoldi
- thuru drohtines craft·
an thriddion dage· thioda te uuillion· libbiandi
- astandan· Nu habit hie
all gilestid so· gifrumid mid firihon· Iliat gi nu forth
- hinan· gangat gahlico·
endi duot it them is iungron cuth.
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|