Heliand In Old Saxon
Heliand In Old Saxon
Page 167
Latronum unus et alter. Maria et Johannes stantes juxta crucem.
Luc. XXIII. 39 – 43. || Joh. XIX. 25 – 27.
- stuod· Uuah uuart thesaro
uueroldi quat hie· ef thu iro scoldis giuuald
- egan· Thu sagdas that
thu mahtis an enon dage· all teuuerpan· that hoha
- hus· hebancuninges· stenuuerco
mest· endi eft standan giduon· an
- thriddion dage· so is
elcor ni thorsti bithihan mann· theses folkes
- furthor· sinu huo thu
gifastnod stes· suitho giserid· ni maht thi selbon
- uuiht· balouues gibuotian·
- Thuo thar oc an them
bendion sprac· thero theobo oder· all so hie thia
- thioda gihorda· uurethon
uuordon· Ne uuas is uuillio guod· thes thegnes
- githaht· Ef thu sis thiodcuning
quat hie· crist godes suno· gang thi thann
- fan them cruce nither·
slopi thi fan them simon· endi us samad allon·
- hilp endi heli· Ef thu
sis hebancuning· uualdand thesaro uueroldes· giduo
- it than an thinon uuercon
scin· mari thik fur thesaro menigi·
- Thuo sprac thero manno
oder· an thero henginna· thar hie gihestid·
- stuod· uuan uuunderquala·
Be hui uuilt thu sulic uuord sprecan· gruotis
- ina mid gelpu· stes thi
hier an galgen haft· gibruocan an bome· Uuit
- hier bethia tholod· ser
thuru unca sundiun· is unc unkero selbero dad·
- uuordan te uuitie· hie
sted hier uuammes los· allaro sundiono sicur·
- so hie selbo gio· firina
ni gifrumida· botan that hie thuru theses folkes
- nith· uuillendi an thesoro
uueruldi· uuiti antfahad· Ik uuilliu thar
- gilobian tuo quat hie·
endi uuilliu thena landes uuard· thena godes suno·
- gerno biddian· that thu
min gehuggies· endi an helpun sis· radendero
- best· than thu an thin
riki cumis· uues mi than ginathig·
- Thuo sprak im eft neriendo
crist· uuordon tegegnes· Ik seggiu thi te
- uuaron hier quat hie·
that thu noh hiudu most· an himilrike· mid mi
- samat· sehan lioht godes·
an themo paradyse· thoh thu nu an sulicoro
- pinu sis·
- Than stuod thar oc maria·
muoder cristes· blec under them bome·
- gisah iro barn tholon·
uuinnan uuunderquala· oc uuarun thar uuib mid
- iro· an so mahtiges·
minna cumana· Than stuod thar oc iohannes· iungro
- cristes· hriuui undar
is herren· uuas im is hugi serag· druuodun fur
- them dode· Thar sprac
drohtin crist· mahtig te thero muoder· Nu ik
- thi hier minemo scal·
iungron bifelhan· them thi hier geginuuard sted·
- uuiss thi an is gesithie
samad· thu scalt ina furi suno hebbian. Grotta
- hie thuo iohannes· anthiet
that hie iru fulgengi uuell· minniodi sia so
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|