Heliand In Old Saxon
Heliand In Old Saxon
Page 165
Pilatus Judaeis demum obsequens. Chr. flagellatus et illusus ad supplicium
conducitur.
Matth. XXVII. 24 – 31. Marc. XV. 15 – 21. Luc. XXIII. 24. 27 – 30. Joh. XIX. 16.
- uuatar an uuagie· thar
hie furi them uuerode sat. Thuog ina thar for
- thero thioda· thegan
kesures· hard heritogo· endi thuo fur thero heri
- sprac· quat that hie
ina thero sundiono thar· sicoran dadi· uurethero
- uuerco· Ne uuilliu ik
thes uuihtes plegan quat hie· umbi thesan helagon
- mann. ac hleot gi thes
alles· gie uuordo gie uuerco· thes gi im her te
- uuitie giduan· Thuo hreop
all saman· heriscipi iudeono· thiu mikila
- menigi· quathun that
sia uueldin umbi thena man plegan· derauoro
- dadio· Fare is dror obar
us· is bluod endi is banethi. endi obar usa
- barn so samo· obar usa
abaron thar after· Uui uuilliat is alles plegan
- quathun sia· umbi thena
slegi selbon· ef uui thar eniga sundia giduan·
- Ageban uuarth thar thuo
furi them iudeon· allaro gumono besta· hettendion
- an hand· an herubendion·
narano ginodid· thar ina nithhuata· fiond
- antfengun· folc ina umbihuarf·
menscathono megin· Mahtig drohtin·
- tholoda mid githuldion·
so huat so im thiu thioda deda· Sia hietun ina
- thuo fillian· er than
sia im ferahes thuo· aldres ahtin· endi im undar is
- ogun spiuuun· dedum im
that te hoske· that sia mid iro handon slogun·
- uueros an is uuangun·
endi im is giuadi binamun· rouodun ina thia
- reginscathon· Rodes lacanes·
dedun im eft oder an· thuru unhuldi·
- Hietun thuo hobidband·
hardaro thorno· uuundron uuindan· endi an
- uualdand crist· selbon
settean· endi gengun im thia gisithos tuo· queddun
- ina an cuninguuisu· endi
thar an knio fellun· hnigun im mid iro hobdu·
- All uuas im that te hoske
giduan· thoh hie it all githolodi· thiodo drohtin·
- mahtig thuru thia minnia·
manno cunnies· Hietun sia thuo uuirkan·
- uuapnes eggion· helithos
mid iro handon· hardes buomes· craftigna cruci·
- endi hietun sia cristan
thuo· salig barn godes· selbon fuorian· dragan
- hietun sia usan drohtin·
thar hie scolda bedroragan· sueltan sundiono
- los· Siithodun iudeon·
uueros an uuillon· leddun uualdand crist· drohtin
- te dode· Thar mohta man
thuo dereui thing· harmlic gihorian· Hiouuandi
- thar after gengun· uuib
mid uuopu· uueros gnornodun· thia fan
- galilea mid im· gangan
quamun· folgodun obar ferrunegos· uuas im iro
- frohon dod· suitho an
soragan· Thuo hie selbo sprac· barno that besta·
- endi under bac besah·
hiet that sia ni uuepin· Ni tharf iu uuiht tregan
- quat hie· minero hinferdio·
ac gi mid hofnu mugun· iuuua uurethan
- uuerc· uuopu cumian·
tornon trahnon· Noh uuirthid thiu tid cuman·
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|