Heliand In Old Saxon
Heliand In Old Saxon
Page 164
Digressio epica de Satanae Christi mortem tanquam salvationis consummationem
timentis per Pilati uxorem machinationibus.
Matth. XXVII. 19. Joh. XIX. 13.
- nithscipi· neriendon
crist· hatoda thiu heri· endi hie im horda te thiu·
- uuarahta iro uuillion·
thes hie uuiti antfeng· lon an theson liohte· endi
- lang after· uuoi sithor
uuann· sithor hie thesa uuerold agaf.
- (LXV.) Thuo uuarth thas
thie uuretho giuuaro· uuamscathono mest·
- satanas selbo· thuo thiu
seola quam· iudases an grund· grimmaro helliun·
- Thuo uuissa hie te uuaren·
that that uuas uualdand crist· barn drohtines·
- that thar gibundan stuod·
Uuissa thuo te uuaron· that hie uuellda thesa
- uuerold alla· mid is
henginnia· hellia githuinges· liudi alosian· an lioht
- godes· That uuas satanase·
ser an muode· tulgo harm an is hugie·
- Uuelda is helpan thuo·
that im liudio barn· lif ne binamin· ne quelidin
- an crucie· ac hie uuelda
that hie quic libdi· te thiu that firio barn·
- fernes ni uuurdin· sundiono
sicura· Satanas giuuet im thuo· thar thes
- heritogen· hiuuiski uuas·
an thero burg innan· Hie thero is brudi bigann·
- thera idis opanlico·
unhiuru fiond· uuunder togian· that sia an uuord-
- helpon· criste uuari·
that hie muosti quicc libbian· drohtin manno· hie
- uuas iu than te dode
giscerid· Uuissa that te uuaron· that hie im scoldi
- thia giuuald biniman·
that hie sia obar thesan middilgard· so mikila ni
- habdi· obar uuida uuerold·
That uuif uuarth thuo an forahton· suitho
- an sorogon· thuo iru
thiu gisiuni quamun· thuru thes dernien dad· an
- dages liohte· an helithhelme
bihelid· Thuo siu te iru herren anbod·
- that uuib mid iro uuordon·
endi im te uuaren hiet· selbon seggian·
- huat iro thar te gisiunion
quam· thuru thena helagan mann· endi im
- helpan bad. formon is
ferhe· Ik hebbiu hier so filo thuru ina· seldlikes
- giseuuan· so ik uuet
that thia sundiun sculun· allaro erlo gihuem· ubilo
- githihan· so im fruocno
thuo· ferahes ahtid· Thie segg uuarth thuo an
- sithie· antat hie sittian
fand· thena heritogon· an huarabe innan· an
- them stenuuege· thar
thiu strata uuas· felison gifuogid· Thar hie te is
- frohon geng· sagda im
thes uuibes uuord· Thuo uuarth im uuret hugi·
- them heritogen· huaraboda
an innan· giblodit briostgithaht· Uuas im
- bethies uue· gie that
sea ina sluogin· sundia losan· gie it bi them liudion
- thuo· forlatan ne gidorsta·
thuru thes uuerodes uuord· Uuarth im giuuendid
- thuo· hugi an herten·
after thero heri iudeono· te uuerkeanne iro
- uuillion· Ne uuardoda
im nieuuiht· thia suarun sundiun· thia hie im thar
- thuo selbo gideda· Hiet
im thuo te is handon dragan· hluttran brunnion·
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|