Page 160

1. uurogdun. quadun that he giuuer erist· begunni an galileolande.
   
2. endi obar iudeon for· heroduuardes thanen. hugi tuiflode· manno
   
3. modsebon. So he is mordes uuerd. that man ina uuitnoie. uuapnes
   
4. eggiun. ef eo man mid sulicun dadiun mag· dodes gesculdien. (LXIII.)
   
5. So uurogdun ina mid uuordun· uuerod iudeono· thurh hotean hugi. ||
   
6. Tho the heritogo· slidmodig man· seggian gihorde· fan huili-
   
7. cumu kunnie· krist afodid uuas· manno the bezto. he uuas fan theru
   
8. marean thiadu· the god fan galilealande· thar uuas gumscepi. edilie-
   
9. ro manno. Herodes biheld thar. craftagnœ kuningdom. so ina imu
   
10. the kesur fargaf. the rikeo fan rumu. that he thar rehto gehuilic· ge-
    
11. frumidi undar themu folke. endi fridu lesti. domos adeldi. He uuas
    
12. ok an themu dage· selbo an hierusalem. mid is gumscepi. mid is uue-
    
13. rode at themu uuihe. so uuas iro uuise than. that sie thar the land-
    
14. uuisan. lestien scoldun· pasca iudeono. || Pilatus gibod tho· that
    
15. thena hafton man· helidos namin. so gibundenne· that barn godes.
    
16. het that sie ina herodese· erlos brahtin. haften te handun. huand
    
17. he fan is heriscepi uuas. fan is uuerodes geuuald. Uuigand frumi-
    
18. dun· iro herron uuord· helagne krist· fordun an fiteriun. for the-
    
19. na folctogun. allaro barno bezt. thero the io giboren uurdi· an
    
20. liudio lioht. an lithu bendiun geng. antat sie ina brahtun· thar he
    
21. an is benkia sat. cuning herodes· umbihuarf ina craft uuero·
    
22. uulanke uuigandos. uuas im uuilleo mikil· that sie thar selbon crist·
    
23. gisehan mostin. uuandun that he im sum tekan thar· togean scoldi·
    
24. mari endi mahtig. so he managun dede· thurh is godcundi. iudeo-