Page 156

1. (LXI.) Vuities so uuirdig. || ni uuas it thoh he is geuurhtiun gidoen.
   
2. that ine thar an hierusalem. iudeoliudi. sunu drohtines. sundea
   
3. losen· adeldun te dode. || Tho uuas thero dadio hrom. iudeoliudiun·
   
4. huat sie themu godes barne. mahtin so haftemu mest· harmes ge-
   
5. frummien. Beuurpun ina tho mid uuerode. endi ina an is uuan-
   
6. gon slogun. an is hleor mid iro handun. al uuas imu that te hosce
   
7. gidoen. felgidun imu firinuuord. fiundo menegi. bismerspraka·
   
8. stod that barn godes. fast under fiundun. uuarun imu is fadmos
   
9. gebundene. tholode mid githuldiun. so huat so imu thiu thiod to·
   
10. bittres brahte. Ni balg ina neouuiht. uuid thes uuerodes geuuin. ||
    
11. Tho namun ina uurede man· so gibundanan· that barn godes.
    
12. endi ina tho leddun· thar thero liudio uuas. there thiade thingus.
    
13. thar thegan manag· huurbun umbi iro heritogon. thar uuas
    
14. iro herron bodo. fan rumuburg. thes the tho thes rikeas giuueld·
    
15. kumen uuas he fan themu kesure. gisendid uuas he undar that
    
16. cunni iudeono· te rihtiene that riki. uuas thar radgebo. pilatus
    
17. uuas he heten. he uuas fan ponteolande. cnosles kennit. habde
    
18. imu craft mikil. an themu thinghuse· thiod gisamnod. an huarf
    
19. uueros· uuarlose man. agabun tho thena godes sunu. iudeoliudi·
    
20. under fiundo folc. quadun that he uuari thes ferhes scolo. that
    
21. man ina uuitnodi· uuapnes eggiun. scarpun scurun. ‡ Ni uuelde
    
22. thiu scole iudeono. thringan an that thinghus. ac thiu thiod ute
    
23. stod. mahlidun thanen uuid thea menegi. ni uueldun an that
    
24. gimang faren. ‡ ellilandige man. that sie thar unreht uuord. an