Page 154

1. fan is hildi· endi fan is handcrafti. the man is megine. That
   
2. uuard thar an themu mareon skin. thegno bezton· tho imu is thio-
   
3. danes gisuek· helag helpe. Be thiu ni scoldi hromien man· te suido
   
4. fan imu selbon. huand imu thar suikid oft· uuan endi uuilleo. ef
   
5. imu uualdand god· her hebenkuning. herte ni sterkit. ||
   
6. Than bed allaro barno bezt. bendi tholode. thurh mancunni.
   
7. huurbun ina managa umbi. iudeono liudi. spracun gelp mikil.
   
8. hafdun ina te hosca. thar he gieftid stod. tholode mid gethuldiun.
   
9. so huat so imu thiu thiod deda· liudi ledes. || Tho uuard eft lioht
   
10. cuman. morgan te mannun. manag samnoda· heri iudeono.
    
11. habdun im hugi uulbo. inuuid an innan. Uuard thar eosago·
    
12. an morgantid. manag gisamnod. irri endi enhard. inuuideas
    
13. gern. uuredes uuillean. gengun im an huarf samad. rinkos
    
14. an runa. bigunnun im radan tho. huo sie geuuisadin· mid uuar-
    
15. losun mannun. mengeuuitun· an mahtigna crist. te giseggian-
    
16. ne sundea· thurh is selbes uuord. that sie ina than te uunderqua-
    
17. lu. uuegean mostin. adelien te dode. Sie ni mahtun an themu
    
18. dage finden· so uured geuuitscepi. that sie imu uuiti be thiu ade-
    
19. lien mostin. eftha dod frummien. libu bilosien. || Tho quamun
    
20. thar at laztan ford. an thena huarf uuero· uuarlose man. tue-
    
21. ne gangan. endi bigunnun im tellien an. quadun that sie ina
    
22. selbon· seggian gihordin. that he mahti teuuerpen· thena uuih
    
23. godes. allaro huso hohost. endi thurh is handmegin. thurh is
    
24. enes craft· up arihtien. an thriddion daga· so is helcor ni dorfti