Page 148

1. themu holme uppan. geuuisid uuari. the thit giuuer frumid.
   
2. iudeoliudiun. endi in godes sunu· selbon hetid. Ina quamun uui
   
3. sokean herod. uueldin ina gerno bigeten. he is fan galileolande.
   
4. fan nazarethburg. || So im tho the nerendio crist· sagdœ to sodan·
   
5. that he it selbo uuas. so uurdun tho an forhtun· folc iudeono. uur-
   
6. dun underbadode. that sie under bac fellun. alle efno san· erde
   
7. gisohtun uuideruuardes. that uuerod ni mahte· that uuord godes·
   
8. thie stemnie antstanden. Uuarun thoh so stridige man· ahlio-
   
9. pun eft up an themu holme. hugi fastnodun. bundun briostgi-
   
10. thaht. gibolgane gengun· nahor mid nithu. anttat sie thene ne-
    
11. riendion crist. uuerodo biuurpun. || stodun uuise man. suido gor-
    
12. nundie. giungaron kristes. bi uoran theru derebeon dadi. endi
    
13. te iro drohtine sprakun. uuari it nu thin uuillio quadun sie.
    
14. uualdand fro min. that us her an speres ordun. spildien mostin.
    
15. uuapnun uunde. than ni uuari us uuiht so god. so that uui her for
    
16. usumu drohtine. doan mostin· bendiun bleka. || Tho gibolgan
    
17. uuard. snel suerdthegan· simon petrus. uuel imu innan hugi·
    
18. that he ni mahte enig uuord sprekan. so harm uuard imu an is
    
19. hertan. that man is herron thar· binden uuelde. tho he gibol-
    
20. gan geng. suido thristmod thegan· for is thiodan standen. hard
    
21. for is herron. ni uuas imu is hugi tuifli. bloth an if breostun.
    
22. ac he is bil atoh. suerd bi sidu· stop imu tegegnes. an thene furiston
    
23. fiund· folmo crafto. that tho malchus uuard· makeas eggiun·
    
24. an thea suidaron half· suerdu gimalod. thiu hlust uuard imu