Page 141

1. mikil· uualdand te uuitanne. tho habde eft is uuord garu. helean-
   
2. do crist. She thi huemu ik her an hand gebe. mines moses for thesun
   
3. mannun. the habed men githat. birid bittran hugi. the scal mi an
   
4. banono geuuald. fiundun bifelhen. thar man mines ferhes scal· al-
   
5. dres ahtien. Nam he tho aftar thiu· thes moses for them mannun.
   
6. endi gaf is themu menscaden. iudase an hand. endi imu tegegnes
   
7. sprac. selbo for them is gesidun. endi ina sniumo het· faran fan themu
   
8. is folke. frumi so thu thenkis quad he· do that thu duan scalt. thu
   
9. ni maht bidernien leng. uuilleon thinan. thiu uurd is at handun.
   
10. thea tidi sind nu ginahid. || So tho the treulogo· that mos antfeng·
    
11. endi mid is mudu anbet. so afgaf ina tho thiu godes craft. gra-
    
12. mon in geuuitun. an thene lichamon· leda uuihti. uuard imu sa-
    
13. tanas· sero bitengi. hardo umbi is herte. sidur ine thiu helpe godes.
    
14. farlet an thesumu liohte. so is themu liudio uue· the so undar
    
15. thesumu himile. scal herron uuehslon.
    
16. (LVI.) Giuuet imu tho ut thanen. inuuideas gern· iudas gangan. habde
    
17. imu grimmen hugi. thegan uuid is thiodan. uuas tho iu thiustri
    
18. naht. suido gisuorken. || sunu drohtines· uuas imu at them gomun
    
19. ford. endi is iungarun thar. uualdand uuin endi brod. uuihide bethiu.
    
20. helagode hebencuning. mid is handun brak. gaf it undar them is
    
21. iungarun. endi gode thancode. sagde them olat· the thar al giscop.
    
22. uuerold endi uunnea. endi sprak uuord manag. Gilobiot gi thes
    
23. liohto ‡. that thit is min lichamo. endi min blod so same. gibu ik iu
    
24. her hethiu samad. etan endi drinkan. thit ik an erdu scal· geban