Heliand In Old Saxon
Heliand In Old Saxon
Page 139
Continuatio.
Matth. XXVI. 18 – 21. Marc. XIV. 14 – 18. Luc. XXII. 11 – 16. Joh. XIII. 21.
- iu sende tharod. te gigaruuuenne
mina goma. Than togid he iu
- en godlic us. hohan soleri·
the is bihangan al· fagarun fratahun. thar
- gi frummien sculun. uuerdscepi
minan. thar bium ik uuiskumo.
- selbo mid minun gesidun.
Tho uurdun san aftar thiu· thar te hie-
- rusalem· iungaron kristes.
forduuard an ferdi. fundun all so he
- sprak· uuordtecan uuar.
Ni uuas thes giuuand enig. thar gereuuidun
- sie thea goma. uuard
the godes sunu· helag drohtin· an that hus cuman·
- thar sie the landuuise·
lestien scoldun. fulgangan godes gibode. al
- so iudeono uuas· eo endi
aldsidu· an erdagun. Giuuet imu tho an
- themu abande· alouualdand
krist. an thene seli sittien. het thar is
- gesidos te imu· tuelibi
gangan· thea im gitriuuiston· an iro modsebon·
- manno uuarun. bi uuordun
endi bi uuisun. uuisse imu selbo· iro hugi-
- skefti. helag drohtin.
grotte sie tho obar them gomun. Gern bium
- ik suido quad he· that
ik samad mid iu· sittien moti. gomono neoten.
- iudeono pascha. delien
mid iu so diuriun. Nu ik iu iuuuœs drohtines
- scal· uuilleon seggian.
that ik an thesaro uueroldi ni mot. mid man-
- nun mer· moses anbiten.
furdur mid firihun· er than gifullod uuir-
- did· himilo riki. Mi
is an handun nu· uuiti endi uunderquale.
- thea ik for thesumu uuerode
scal. tholon for thesaru thiod. || So he tho
- so te them thegnun sprak.
helag drohtin. so uuard imu is hugi drobi·
- uuard imu gisuorken sebo.
endi eft te them gesidun sprac· the godo
- te them is iungarun.
Huat ik iu godes riki quad he· gihet himiles
- lioht. endi gi mi holdlico·
iuuuan theganskepi. nu ni uuilliat gi
- athengean so. ac uuenkeat
thero uuordo. Nu seggiu ik iu te
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|