Page 133

1. dag the mareo. endi iuuues drohtines craft. thiu mikilo meginstrengiu·
   
2. endi thiu marie tid. giuuand thesaro uueroldes. for a thiu gi uuardon
   
3. sculun. that he iu slapandie· an suefrestu. farungo ni bifahe. an firin-
   
4. uuercun. menes fulle. Mutspelli cumit· an thiustrea naht· al so thiof
   
5. ferid· darno mid is dadiun. so kumid the dag mannun· the lazt theses
   
6. liohtes· so it er these liudi ni uuitun. so samo so thiu flod deda· an furn-
   
7. dagun. the thar mid lagustromun. liudi farteride. bi noeas tidiun·
   
8. biutan that ina neride god. mid is hiuuiskea. helag drohtin. uuid thes
   
9. flodes farm. So uuard ok that fiur kuman. het fan himile. that thea
   
10. hohon burgi. umbi sodomoland. suart logna bifeng. grim endi
    
11. gradag. that thar nenig gumono ni ginas· biutan loth eno· ina ant-
    
12. leddun thanen· drohtines engilos. endi is dohter tua. an enan berg
    
13. uppen. that odar al brinnandi fiur. ia land ia liudi. logna farteride.
    
14. So farungo uuard that fiur kumen. so uuard er the flod so samo·
    
15. so uuirdid the lazto dag. For thiu scal allaro liudio gehuilic· then-
    
16. kean for a themu thinge. thes is tharf mikil. manno gehuilicumu·
    
17. be thiu latad iu an iuuuan mod sorga.
    
18. (LIII.) Huand so huan so that geuuirdid· that uualdand krist· mari
    
19. mannes sunu· mid theru maht godes. kumit mid thiu craftu·
    
20. kuningo rikeost. sittean an is selbes maht. endi samod mid imu·
    
21. alle thea engilos. the thar uppa sind. helaga an himile. Than
    
22. sculun tharod helido barn· elitheoda kuman· alla tesamne. libbean-
    
23. dero liudio. so huat so io an thesumu liohte. uuard firiho afodid.
    
24. Thar he themu folke scal· allumu mankunnie· mari drohtin.