Page 126

1. (L.) Tho uuard thar so managumu manne· mod aftar kriste· gihuor-
   
2. ben hugiskefti. sidor sie is helagon uuerk. selbon gisahun.
   
3. huand eo er sulic ni uuard. uunder an uueroldi. Than uuas eft thes
   
4. uuerodes so filu. so modstarke man. ni uueldun the maht godes·
   
5. antkennien kudlico. ac sie uuid is craft mikil· uunnun mid iro
   
6. uuordun. Uuarun im uualdandes· lera so leda. fohtun ‡ liudi odra·
   
7. an hierusalem· thar iudeono uuas· hereo endi handmahal. endi
   
8. hobidstedi. grot gumskepi. grimmaro thioda. Sie kuddun im
   
9. kristes uuerk. quadun that sie quican sahin· thene erl mid iro
   
10. ogun. the an erdu uuas· foldu bifolhen. fiuuuar naht endi dagos.
    
11. dod bidolben. antat he ina mid is dadiun selbo· mid is uuordun
    
12. auuekide. that he mosti these uuerold sehan. Tho uuas that
    
13. so uuideruuord· uulankun mannun. iudeoliudiun. hetun iro
    
14. gumskepi tho· uuerod samnoian. endi huuarbos fahen· megin-
    
15. thioda gimang. an mahtigna krist. riedun an runun. Nis
    
16. that rad enig quadun sie· that uui that githoloian. uuili thesaro
    
17. thioda te filu. gilobien aftar is lerun. than us liudio farad·
    
18. an eorid folc. uuerdat us obar hobdun. rinkos fan rumu.
    
19. than uui theses rikies sculun· lose libbien. eftha uui sculun uses
    
20. libes tholon. helidos usaro hobdo. || Tho sprak thar en gierod
    
21. man· oboruuard uuero. the uuas thes uuerodes tho· an theru
    
22. burg innan. biscop thero liudio. Kaiphas uuas he heten.
    
23. habdun ina gicoranen te thiu. an theru gertalu· iudeoliudi.
    
24. that he thes godes huses· gomien scoldi. uuardon thes uuihes.