Page 102

1. uuerden· langes te lone? Liudeo drohtin· sagde im tho selbo ‡ Than
   
2. ik sittien kumu quad he. an thie mikilan maht· an themu marean
   
3. dage. thar ik allun scal· irminthiodun· domes adelien. than motun
   
4. gi mid iuuuomu drohtine. thar selbon sittien. endi motun thera
   
5. saca uualdan. motun gi israhelo· edilifolcun· adelien aftar iro dadiun.
   
6. so motun gi thar gidiuride uuesen. Than seggiu ik iu te uuaran·
   
7. so hue so that an thesaru uueroldi giduot. that he thurh mina min-
   
8. nea· mago gesidli· liof farletid. thes scal hi her lon niman. tehan
   
9. sidun tehinfald. ef he it mid treuuon duot. mid hluttru hugi.
   
10. Obar that habad he ok himiles lioht. open euuig lif. || Bigan imu
    
11. tho aftar thiu· allaro barno bezt. en bilidi seggian. Quad that thar
    
12. en odag man· an erdagun uuari. undar themu uuerodæ. the habde
    
13. uuelono genog. sinkas gisamnod. endi imu simlun uuas· garu mid
    
14. goldu· endi mid godouuebbiu. fagarun fratahun. endi imu so filu
    
15. habde· godes an is gardun. endi imu at ‡ gomun sat· allaro dago gehui-
    
16. likes. habde imu diurlic lif. blitzea an is benkiun. Than uuas thar
    
17. eft en biddiendi man· gilebod an is lichamon. lazarus uuas he heten·
    
18. lag imu dago gehuilikes· at them durun foren. thar he thene oda-
    
19. gan man. inne uuisse· an is gestseli· gome thiggean. sittien at
    
20. sumble. endi he simlun bed· giarmod thar ute. Ni moste thar in
    
21. cuman. ne he ni mahte gebiddien. that man imu thes brodes tha-
    
22. rod· gidragan uueldi. thes thar fan themu diske nider· antfel
    
23. undar iro foti. ni mahte imu thar enig frumu uuerden· fan the-
    
24. mu heroston the thes huses giuueld. biutan that thar gengun