The Religion of the Northmen
Appendix 1
Page 3
Óminnis hegri heitir
sá er yfir ölðrum þrumir,
hann stelr geði guma.
Ib. str. 20.
Hjarðir þat vitu,
nær þær heim skolu,
ok ganga þá af grasi,
en ósviðr maðr
kann ævagi
síns um máls maga.
Ib. str. 19.
Gráðugr halr,
nema geðs viti,
etr sér aldrtrega;
opt fær hlægis,
er með horskum kemr,
Manni heimskum magi.
On page 315.
Ib. str. 63.
Ríki sitt skyli
ráðsnotra hverr
í hófi hafa;
þá hann þat finnr,
er með fræknum kemr,
at engi er einna hvatastr.
Ib. str. 14.
þagalt ok hugalt
skyli þjóðans barn
ok vígdjarft vera;
glaðr ok reifr
skyli gumna hverr
unz sinn bíðr bana.
Ib. str. 94.
Hugr einn þat veit,
er býr hjarta nær,
einn er hann sér um seva;
öng er sótt verri
hveim snotrum manni
en sér öngu at una.
Ib. str. 102.
Heima glaðr gumi
ok við gesti reifr
sviðr skal um sik vera;
minnigr ok málugr.
Sigrdrífumál, str. 32.
Mey þú teygjat
né manns konu
né eggja ofgamans.
Hávamál, str. 16.
Kópir afglapi,
er til kynnis kemr,
þylsk hann um eða þrumir;
alt er senn
ef han sylg um getr,
uppi er þá geð guma.
Ib. str. 60.
þveginn ok mettr
ríði maðr þíngi at,
þótt hann séð væddr til vel;
skúa ok bróka
skammisk engi maðr,
né hests in heldr,
þótt hann hafit góðan.
Ib. str. 49.
Hrörnar þöll
sú er stendr þorpi á,
hlýrat henni börkr né barr;
svá er maðr sá
er manngi ann,
hvat skal hann lengi lífa ?
Ib. str. 71.
Sjaldan bautarsteinar
standa brautu nær,
nema reisi niðr at nið.
On page 316.
Sigrdrífumál, str. 22.
þat ræð ek þér ið fyrsta,
at þú við frændr þina
vammalaust verir;
síðr þú hefnir,
þótt þeir sakar göri,
þat kveða dauðum duga.
Ib. str. 33.
þat ræð ek þér it níunda,
at þú nám bjargir,
hvars þú á földu finnr;
hvárt eru sóttdauðir
eða sædauðir,
eða 'ro vápndauðir verar.
34. Haug skal göra
hveim er liðinn er,
hendr þvá ok höfuð;
kemba ok þerra,
áðr í kistu fari,
ok biðja sælin sofa.
Hávamál, str. 77.
Svá er auðr
sem augabragð,
hann er valtastr vina.
Ib. str. 75.
Deyr fé,
deyja frændr,
deyr sjálfr it sama;
en orðstírr
deyr aldregi,
hveim er sér góðan getr.
Ib. str. 76.
Deyr fé,
deyja frændr,
deyr sjálfr it sama;
ek veit einn
at aldri deyr:
dómr um dauðan hvern.
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|