Page 158

1. huat sie imu than te ferahqualu· frummian uueldin· || thuo thar
   
2. an them benkiun ares· bodo kesures. fan rumuburg. endi geng
   
3. imu uuid that riki iudeono· modag mahlien. thar thiu menigi stod·
   
4. aftar themu hobe huarbon. Ni uueldun an that hus kuman· an
   
5. themu paschadage. Pilatus bigan· frokno fragon· obar that folc
   
6. iudeono. mid huiu the man habdi· mordes gisculdit. uuities gi-
   
7. uuerkot. be hui gi imu so uurede sind. an iuuuomu hugea hotie.
   
8. Sie quadun that he im habdi harmes so filu· ledes gilestid. ni ga-
   
9. uin ina thesa liudi thi. thar sie ina er bi uoran· ubilan ni uuissin.
   
10. uuordun faruuarhten. he habat theses uuerodes so filu. farledid mid
    
11. is lerun. endi thesa liudi merrid. doit im iro hugi tuiflien. that uui
    
12. ni motun te themu hobe kesures· tinsi gelden. that mugun uui ina
    
13. gitellien an. mid uuaru geuuitscepi. He sprikid ok uuord mikil·
    
14. quidit that he crist si· kuning obar thit riki. begihit ina so grotes. ||
    
15. Tho im eft tegegnes sprak· bodo kesures. Ef he so barlico quad
    
16. he· under thesaru menigi· menuuerk frumid. antfahad ina than
    
17. eft under iuuue folcscepi. ef he si is ferhes scolo. endi imu so adeliad·
    
18. ef he si dodes uuerd. so it an iuuuaro aldrono· eo gebiode. Sie qua-
    
19. dun tho that sie ni mostin. manno nigenumu· an the helagon tid·
    
20. te handbanon uuerden. mid uuapnun an themu uuihdage. ‡ || Tho
    
21. uuende ina fan themu uuerode. uuredhugdig man. thegan kesu-
    
22. res· he obar thea thioda uuas. bodo fan rumuburg. het imu tho
    
23. that barn godes· nahor gangan. endi ina niudlico. fragoda frokno·
    
24. ef he obar that folc· kuning thes uuerodes uuari. Tho habde eft