Page 99

1. nam· guldine scattos. dede al so imu the godes sunu· uuordun
   
2. geuuisde. || Thar uuas tho uualdandes· megincraft gimarid· huo
   
3. scal ‡ manno gehuilic· suido uuilliendi· is uueroldherron· sculdi en-
   
4. di scattos. thea imu giskeride sind· gerno gelden. Ni scal ine far-
   
5. gumon eouuiht. ni farmuni ine an is mode. ac uuese imu mildi
   
6. an is hugi. thiono imu thiolico. an thiu mag he thiodgodes· uuillean
   
7. geuuirkean. endi ok is uueroldherron· huldi habbien.
   
8. (XL.) So lerde the helago crist· thea is godon iungaron. Ef enig
   
9. gumono uuid iu quad he· sundea geuuirkea. than nim
   
10. thu ina sundar te thi· thene rink an runa· endi imu is rad
    
11. saga. uuisi imu mid uuordun. Ef imu than thes uuerd ne si· that
    
12. he thi gihorie. hala ‡ thar odara to. godaro gumono. endi lah imu
    
13. is grimmun uuerc. sak ina soduuordun. Ef imu than is sundea
    
14. aftar thiu· los uuerc ni ledon. giduo it odrun liudiun cud. mari
    
15. it than for menegi. endi lat manno filu· uuiten is farnurhti.
    
16. Odo beginnad imu than is uuerk tregan. an is hugi hreuuen· than
    
17. he it gihorid helido filu· ahton eldibarn. endi imu is ubilon dad.
    
18. uueread mid uuordun. Ef he than ok uuendien ne uuili. ac
    
19. farmodat sulica menegi. than lat thu thene man faren. haba ina
    
20. than far hethinen. endi lat ina thi an thinumu hugi leden·
    
21. mid is an thinumu mode. ne si that imu eft mildi god· her heben-
    
22. cuning. helpe farlihe. fader allaro firiho barno. || Tho fragode
    
23. petrus· allaro thegno bezt. theodan sinan. Huo oft scal ik them
    
24. mannun· the uuid mi habbiad· led uuerk giduan· leobo drohtin·