Page 146

1. gerno biddien. that he im thero costondero· craft farstodi· uuredaro
   
2. uuilleon. that im the uuidersaco ni mahti· the menscado· mod gi-
   
3. tuiflean. Iak imu tho selbo gihneg. sunu drohtines. craftag an
   
4. kniobeda. kuningo rikeost. forduuard te foldu. fader alothiado.
   
5. godan grotte. gornuuordun sprac. hriuuiglico. uuas imu is hugi
   
6. drobi. bi theru menniski· mod gihrorid. Is flesk uuas an forhtun.
   
7. fellun imo trahni. drop is diurlic suet. al so dror kumid. uuallan
   
8. fan uundun. uuas an geuuinne tho. an themu godes barne. the
   
9. gest. endi the lichamo. odar uuas fusid. an forduuegos. the gest an
   
10. godes riki. odar giamar stod. lichamo cristes. Ni uuelde thit lioht
    
11. ageben. ac drobde for themu dode. Simla he te drohtine ford·
    
12. thiu mer aftar thiu. mahtigna grotte. hohan himilfader. helagna
    
13. god. uualdand mid is uuordun. Ef nu uuerden ni mag quad he·
    
14. mankunni generid. ne si that ik minan gebe· lioban lichamon.
    
15. for liudio barn. te uuegeanne te uundrun. it si than thin uuilleo so.
    
16. ik uuilliu is than gicoston. ik nimu thene kelik an hand. drinku
    
17. ina thi te diurdu· drohtin fro min. mahtig mundboro. Ni she thu
    
18. mines her. fleskes gifories. ik fullon scal. uuilleon thinen. thu
    
19. habes geuuald obar al. || Giuuet imu tho gangen· thar he er is
    
20. iungaron let. bidan uppan themu berge. fand sie that barn godes·
    
21. slapen sorgandie. uuas im ser hugi. thes sie fan iro drohtine·
    
22. delien scoldun. So sind that modthraca· manno gehuilicumu.
    
23. that he farlaten scal· liabane herron· afgeben thene so godene.
    
24. Tho he te is iungarun sprak. uuahte sie uualdand· endi uuordun