Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 41

Hjörleif and Ingólf

Sumar þat, er þeir Ingólfr fóru til at byggja Ísland, hafði Haraldr hárfagri verit tólf ár konungr í Noregi; þá var liðit frá upphafi þessa heims sex þúsundir vetra ok sjau tigir ok fjögur ár. Þeir höfðu samflot, þar til er þeir sá Ísland; þa skildi með þeim. Þá er Ingólfr sá Ísland, skaut hann fyrir borð öndvegissúlum sínum til heilla; hann mælti svá fyrir, at hann skyldi þar byggja, er súlurnar kœmi á land. Ingólfr tók þar land, er nú beitir Ingólfshöfði; en Hjörleif rak vestr fyrir land, ok fekk hann vatnfátt. Þá tóku þrælarnir írsku þat ráð, at knoða saman mjöl ok smjör, ok kölluðu þat óþorstlátt; þeir nefndu þat minþak; en er þat var tilbúit, kom regn mikit, ok tóku þeir þá vatn á tjöldum: en er minþakit tók at mygla, köstuðu þeir því fyrir borð, ok rak þat á land, þar sem nú heitir Minþakseyrr. Hjörleifr tók land við Hjörleifshöfða, ok var þar þá fjörðr, ok horfði botninn inn at höfðanum. Hjörleifr lét þar gøra skála tvá, ok er önnur toftin átján faðma, en önnur nítján. Hjörleifr sat þar um vetrinn. En um várit vildi hann sá; hann átti einn uxa, ok lét hann þrælana draga arðrinn. En er þeir skyldu drepa uxann, ok segja at skógarbjörn hefði drepit, en síðan skyldu þeir ráða á þá Hjörleif, ef þeir leitaði bjarnarins. Eptir þat sögðu þeir Hjörleifi þetta. Ok er þeir fóru at leita bjarnarins, ok dreifðusk í skóginn, þá sóttu þrælarnir at sérhverjum þeirra, ok myrðu þá alla, jafnmarga sér. Þeir hljópu á brott með konur þeira ok lausafé ok bátinn. Þrælarnir fóru í eyjar, þær er þeir sá í haf til útsuðrs, ok bjoggusk þar fyrir um hríð. Vifill ok Karli hétu þrælar Ingólfs; þá sendi hann vestr með sjó, at leita öndvegissúlna sinna; enn er þeir kómu til Hjörleifshöfða, fundu þeir Hjörleif dauðan; þá fóru þeir aptr, ok sögðu Ingólfi þau tíðindi; hann lét illa yfir drápi þeira Hjörleifs.

arðr, m. plough			nítján, nineteen
átján, eighteen			óþorslátt, n. thirst quenching
bjarnar, g.s. of björn, m. bear			ráða á, to attack
bjoggusk fyrir, settled down			samflot, n. sailing together
botn, m. head of a firth			sá, to sow
byggja, to settle in			sérhverjum, each one
dráp, n. slaying			sjau, seven
dreifðusk, dispersed (dreifask)			skáli, m. hut (40)
faðmr, m. fathom			skaut, threw (skjóta)
fyrir borð, overboard			skildi, parted (skilja)
heill, n. pl. omen			skógarbjörn, m. wood-bear
horfa, to turn			smjör, n. butter (40)
hríð, f. time			sóttu, sought, attacked (sœkja)
höfði, m. headland			súla, f. pillar
jafnmargir, equally many			tigr, m. ten (7, 33)
knoða, to knead			tilbúit, prepared
lausafé, n. movables			tjöld, n. pl. canvas
lét illa, spoke strongly (40)			toft, f. foundation
liðit, passed (líða)			upphaf, n. beginning
minþak (an Irish word)			útsuðr, n. south-west
mjöl, n. meal			uxi, m. ox
mygla, to grow mouldy			vatnfátt, n. shortage of water
myrða, to murder			öndvegi, n. high seat (33)

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.