Page 140

1. uuaran her. that uuili iuuuar tuelibio en· treuuan asuikan. uuili
   
2. mi farcopon· undar thit kunni iudeono· gisellien uuider silubre.
   
3. endi uuili imu ther sinc niman. diurie medmos. endi geben is
   
4. drohtin uuit thiu. holdan herran. that imu thoh te harme scal·
   
5. uuerdan te uuitie. be that he thea uurdi farsihit. endi he thes arbe-
   
6. dies· endi scauuot. than uuet he that te uuaran. that imu uuari
   
7. uuodiera thing. betera mikilu. that he gio giboran ni uurdi· lib-
   
8. biendi te thesumu liohte. than he that lon nimid· ubil arbedi·
   
9. inuuiddrado. || Tho bigan thero erlo gehuilic. te odrumu scauuon.
   
10. sorgondi sehan. uuas im ser hugi· hriuuig umbi iro herta. gihor-
    
11. dun iro herron tho· gornuuord sprekan. thea gumon sorgodun·
    
12. huilican he thero tuelibio· te thiu tellien uueldi. sculdigna ‡ scadon.
    
13. that he habdi thea scattos thar. gethingod at theru thiod. Ni uuas
    
14. thero thegno enigumu· sulikes inuuiddies· othi te gehanne. men-
    
15. githahtio antsuok· thero manno gehuilic. uurdun alle an forh-
    
16. tun· fragon ne gidorstun. er than tho geboknide. baruuirdig
    
17. gumo. simon petrus. Ne gidorste it selbo sprekan. te iohanne
    
18. themu godon. he uuas themu godes barne· an them dagun. thegno
    
19. liobost· mest an minniun. endi moste thar tho an thes mahtiges
    
20. kristes. barme restien. endi an is breostun lag. hlinode mid is
    
21. hobde. thar nam he so manag helag geruni. diapa githahti.
    
22. endi tho te is drohtine sprac. began ina tho fragon. hue scal
    
23. that fro min uuesen quad he· that thi farcopon uuili· cuningo
    
24. rikeost. undar thinaro fiundo folc. us uuari thes firiuuit