Page 115

1. thar lef so manag· halt gihelid. endi haf so same· blindun gibo-
   
2. tid. So dede that barn godes· uuilliendi themu uuerode. huand al an is
   
3. giuueldi sted· umbi thesaro liudio lif. endi ok umbi thit land so same.
   
4. (XLVI.) Stod imu tho for a themu uuihe. uualdandeo crist· liof landes
   
5. uuard. endi imu thero liudio hugi· iro uuilleon aftaruuarode.
   
6. gisah uuerod mikil· an that marie hus· medmos forien· gebon mid
   
7. goldu· endi mid godu uuebbiu· diuriun fratahun. that al drohtin
   
8. crist· uuarode uuislico. Tho quam thar ok en uuidouua to. idis
   
9. armscapen. endi te themu alaha geng. endi siu an that tresurhus·
   
10. tuene legde· erine scattos. uuas iru enuald hugi· uuillean godes.
    
11. Tho sprak uualdand crist· the gumo uuid is giungaron. quad that
    
12. siu thar geba brahti. meron mikilu. than elcor enig mannes sunu.
    
13. Ef her odaga man quad he· era brahtun· medomhord manag.
    
14. sie letun im mer at hus· uuelono geuunnen. Ni dede thius uuidouua
    
15. so. ac siu te thesumu alahe gaf· al that siu habde. uuelono geuunnen.
    
16. so siu iru uuiht ni farlet. godes an iro gardun. Be thiu sind ira
    
17. geba meron. uualdande uuerda. huand siu it mid sulicumu ‡
    
18. dede· te thesumu godes huse. thes scal siu geld niman· suido lang-
    
19. sam lon. thes siu sulican gilobon habad. || So gifragn ik that thar
    
20. an themu uuihe· uualdandeo crist· allaro dago gehuilikes· drohtin
    
21. manno· uuisde mid uuordun. stod ine uuerod umbi· grot folc
    
22. iudeono. gihordun is godan uuord· suotea seggian.
    
23. Sum so salig uuard· manno undar theru menegi. that it
    
24. bigan an is mod bladen. linodun im thea lera. the the landes