Page 92

1. quad that siu uuari mid suhtiun bifangen. bedrogan habbiad sie
   
2. dernea uuihti. Nu is iru dod at endi. thea uuredon habbiad sie
   
3. geuuitteu benumane. Nu biddiu ik thi uualdand from min· selbo
   
4. sunu dauides. that ‡ sie af sulicun suhtiun atomies. that thu sie so
   
5. arma· egrohtfullo· uuamscadon biuueri. Ni gaf iru tho noh
   
6. uualdand crist· enig anduuordi. siu imu aftar geng. folgode
   
7. fruokno. antat siu te is fotun quam. grotte ina greatandi. Giun-
   
8. garon cristes· badun iro herron· that he an is hugea mildi· uurdi themu
   
9. uuibe. Tho habde eft is uuord garu· sunu drohtines. endi te is gesi-
   
10. dun sprak. Erist scal ik israheles· aboron uuerden· folcskepi te
    
11. frumu. that sie ferhtan hugi· hebbian te iro herron. im is helpo-
    
12. no tharf. thea liudi sind farlorane. farlaten habbiad· uualdandes
    
13. uuord. that uuerod is getuiflid. dribad im dernean hugi. Ne
    
14. uuilliad iro drohtine horien· israhelo erlskepi. ungilobiga
    
15. sind. helidos iro herron. thoh scal thanen helpe cumen. allun
    
16. elithiodun. Agaleto bad· that uuif mid iro uuordun· that
    
17. iru uualdand krist· an is modsebon· mildi uurdi· that siu iro barnes
    
18. ford· brukan mosti. hebbian sie hele. Tho sprak iru herro ange-
    
19. gin· mari ‡ mahtig. Nis that quad he mannes reht· gumono nigenum·
    
20. god te gifrummiene. that he is barnun· brodes aftihe· uuernie
    
21. imu obar uuilleon. late sie uuiti tholean, hungar hetigrimmen·
    
22. endi fodie is hundos mid thiu. Vuar is that uualdand quad
    
23. siu· that thu mid thinun uuordun sprikis. sodlico sagis. Huat thoh
    
24. oft an seli innen· undar iro herron diske· huelpos huerbad.