Page 142

1. endi geotan. endi iu te godes rikie. losien mid minu lichamen. an lif
   
2. euuig. an that himiles lioht. Gihuggeat gi simlun. that gi thiu fulgan-
   
3. gad. thiu ik an thesun gomun don. Mariad thit for ‡ menegi. thit is
   
4. mahtig thing. mid thius sculun gi iuuuomu drohtine· diurida frum-
   
5. mien. habbiad thit min te gihugdiun. helag bilidi. that it eldibarn·
   
6. aftarlestien. uuaron an thesaru uueroldi. that that uuitin alle· man
   
7. obar thesan middilgard. that it is thurh mina minnea giduan. herron
   
8. te huldi. Gehuggiad gi simlun. hueo ik iu her gebiudu. that gi iuuuan
   
9. broderskepi. fasto frummiad. habbiad ferhtan hugi. minniod iu
   
10. an iuuuomu mode. that that manno barn. obar irminthiod· alle far-
    
11. standen. that gi sind gegnungo· iungaron mine. Ok scal ik iu cudien·
    
12. huo her uuili craftag fiund. hetteand herugrim· umbi iuuuan
    
13. hugi niusien. satanas selbo he cumid· iuuuaro seolono herod. frok-
    
14. no freson. simlun gi fasto te gode· berad iuuua breostgithaht.
    
15. Ik scal an iuuuaru bedu standen. that iu ni mugi the menscado. mod
    
16. getuiflean. Ik fullestiu iu uuider themu fiunde. Ok quam he
    
17. herod giu freson min. thoh imu is uuilleon her· uuiht ne gistodi.
    
18. liobes an themu minumu lichamon. Nu ni uuilliu ik iu leng helen·
    
19. huat iu her nu sniumo scal. te sorgu gistanden. gi sculun mi gesui-
    
20. kan· gesidos mine. iuuues theganscepies. er than thius thiustrie
    
21. naht. liudi farlitha· endi eft lioht cume. morgan te mannun. ||
    
22. Tho uuard mod gumon. suido gisuorken. endi ser hugi. hriuuig
    
23. umbi iro herte. endi iro herron uuord. suido an sorgun. Simon
    
24. petrus tho· thegan uuid is thiodan· thristuuordun sprac. bi huldi