Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 57

Thangbrand The Missionary

Höfðingjaskifti varð í Noregi. Hákon jarl var liðinn undir lok, enn kominn í staðinn Ólafr Tryggvason. Urðu þau örlög Hákonar jarls, at Karkr þræll skar hann á háls á Rimul í Gaulardal. Þat spurðisk með tíðendum þessum, at siðaskifti var orðit í Noregi. Höfðu þeir kastat hinum forna átrúnaði. En Ólafr konungr hafði kristnat Vestrlönd,---Hjaltland ok Orkneyjar ok Færeyjar. Þetta hit sama haust kom skip út austr í Fjörðum í Berufirði þar sem heitir Gautavík. Hét Þangbrandr stýrimaðr. Hann var son Vilbalds greifa ór Saxlandi. Þangbrandr var sendr út hingat af Ólafi konungi Tryggvasyni at bjóða trú rétta. Með honum fór sá maðr íslenzkr, er Guðleifr hét. Guðleifr var vígamaðr mikill ok manna hraustastr ok harðgörr i öllu. Bræðr tveir bjoggu á Berunesi; hét annarr Þorleifr, enn annarr Ketill. Þeir váru Hólmsteins synir, Özurar sonar hins breiðdœlska. Þeir lögðu til fund ok bönnuðu mönnum at eiga kaup við þessa menn. Þetta spurði Hallr af Síðu. Hann bjó at Þváttá í Álftafirði. Hann reið til skips við þrjá tigu manna. Hann ferr þegar á fund Þangbrands ok mælti til hans: "Hvárt ganga ekki mjök kaupin?" Hann sagði, at svá var. "Nú vil ek segja þér mitt erindi," segir Hallr, "at ek vil bjóða yðr öllum heim til mín ok hætta á, hvárt ek geta kaup fyrir yðr." Þangbrandr þakkaði honum, ok fóru til Þváttár. Um haustit var þat, at Þangbrandr var úti einn morgin snimma, ok lét skjóta sér tjaldi ok söng messu í tjaldinu ok hafði mikit við, því at hátíð var mikil. Hallr mælti til Þangbrands: "Í hverja minning heldr þú þenna dag?" "Micháel engill á daginn," segir hann. "Hver rök fylgja engli þeim?" segir Hallr. "Mörg," segir Þangbrandr, "hann skal meta alt þat sem þú gørir, bæði gott ok ilt; ok er hann svá miskunnsamr, at hann metr alt þat meira, sem vel er gørt." Hallr mælti: "Eiga vilda ek hann mér at vin." "Þat munt þú mega" segir Þangbrandr, "ok gefsk þú honum þá í dag með guði." "Þat vil ek þá til skilja," segir Hallr, "at þú heitir mér því fyrir hann, at hann sé þá fylgjuengill minn." "Því mun ek heita þér," segir Þangbrandr. Tók Hallr þá skírn ok öll hjú hans.

átrúnaðr, m. faith (43)			höfðingja-skifti, n. change of rulers
bjóða, to preach			hraustr, bold
bjoggu, lived (búa)			hætta, to venture
bönnuðu, forbade (banna)			kaup, n. trading, dealing
breiðœlskr, of Breiðidal			liðinn, gone (líða)
engill, m. angel			lögðu til, summoned (leggja)
fundr, m. meeting			lok, n. end
fylgjuengill, m. guardian angel			messa, f. mass
gefsk, give thyself (gefask)			meta, to measure
greifi, m. count			minning, f. memory
harðgörr, resolute			miskunnsamr, merciful
háls, m. neck (34)			rök, n. pl. remarkable things
hátíð, f. festival			siðaskifti, n. charge of faith
hjú, n. pl. household			skar, cut (skera)

____

skilja til, to stipulate			tjald, n. tent
skjóta, to put up			vígamaðr, m. fighter
stýrimaðr, m. captain			örlög, n. pl. fate (21)

söng, sang (syngva)

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.