Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 49

(Continuation)

Þeir þektusk þetta, ok hon fal þá. Hon tók línsekk einn, ok hugðu þeir at aska væri í; hon tók þat í hendi sinni ok søri því um gammann utan ok innan. Litlu síðar koma Finnar heim. Þeir spyrja hvat þar er komit. Hon segir at þar er ekki komit. Finnum þykkir þat undarligt, er þeir hofðu rakit spor alt at gammanum, en síðan finna þeir ekki. Þá gøra þeir sér eld ok matbúa, en er þeir váru mettir, þá býr Gunnhildr rekkju sína. En svá hafði áðr farit þrjár nœtr, at Gunnhildr hafði sofit, en hvárr þeira hefir vakat yfir öðrum fyrir ábrýðis sakir. Þá mælti hon til Finna: "Farið nú hingat, ok liggi á sína hlíð mér hvárr ykkar." Þeir urðu þessu fegnir, ok gørðu svá. Hon hélt sinni hendi um háls hvárum þeira. Þeir sofna þegar, en hon vekr þá, ok enn bráðliga sofna þeira. Þeir sofna þegar, en hon vekr þá, ok enn bráðliga sofna þeir, ok svá fast, at hon fær varliga vakit þá. Ok enn sofna þeir; ok fær hon þá fyrir engan mun vakit þá. Ok þá setr hon þá upp, ok enn sofa þeir. hon tekr þá selbelgi tvá mikla ok steypir yfir höfuð þeim, ok bindr at sterkliga fyrir neðan hendrnar. Þá gørir hon bending konungsmönnum; hlaupa þeir þá fram ok bera vápn á Finna, ok fá hlaðit þeim, draga þá út ór gammanum. Um nóttina eptir váru reiðarþrumur svá stórar, at þeir máttu hvergi fara. En at morni fóru þeir til skips, ok höfðu Gunnhildi með sér ok fœrðu hana Eiríki. Fóru þeir Eiríkr þá suðr til Hálogalands. Hann stefndi til sín Özuri tota: Eiríkr segir at hann vill fá dóttur hans. Özurr játar því; fær þá Eiríkr Gunnhildar ok hefir hana með sér suðr í land.

ábrýði, n. jealousy			mettr, satisfied
aska, f. ashes			rakit, followed (rekja, 48)
bending, f. sign			reiðarþruma, f. thunderstorm
bráðliga, quickly			rekkja, f. bed

makes ready (búa)selbelgr, m. (46)

eldr, m. fire			søri, sprinkled (sá)
fal, hid (fela, 48)			sofna, to fall asleep
feginn, delighted			stefndi, summoned (stefna)
fær, gets to wife (fá)			sterkliga, strongly
hendr, f. pl. arms (hönd)			steypa, to cast
hlaðit, laid low (hlaða)			vakat, kept awake (vaka)
hlíð, f. side			vakit, wakened (vekja)
hugðu, thought (hyggja)			varliga, scarcely
játa, to agree to			vekr, wakes (vekja)
línsekkr, m. linen bag			ykkar, of you two
matbúa, to prepare food			þektusk, agreed to (þekkjask)

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.