Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 45

Ingimund Settles In Vatnsdal

Ketill raumr hét hersir ágætr í Raumsdal í Noregi; hann átti Mjöll, dóttur Ánar bogsveigis. Þorsteinn hét son þeira; hann vá á skóginum til Upplanda af áeggjun föður síns Jökul, son Ingimundar jarls af Gautlandi; Jökull gaf honum líf; síðan fekk Þorsteinn Þórdísar systur hans. Þeira son var Ingimundr enn gamli; hann var fœddr í Hefni með Þóri, föður Gríms ok Hrómundar. Heiðr völva spáði þeim öllum at byggja á því landi er þá var ófundit vestr í haf; en Ingimundr kvaðsk við því skyldu gøra; völvan sagi hann þat eigi mundu mega, ok sagði þat til jartegna, at þá mundi horfinn hlutr ór pússi hans, ok mundi þá finnask, er hann grœfi fyrir öndvegissúlum sínum á landinu. Ingimundr var víkingr mikill, ok herjaði í vestrvíking jafnan. Sæmundr hét félagi hans, suðreyskr; þeir kvámu ór hernaði í þann tíma er Haraldr konungr gekk til lands, ok lagði til orrostu í Hafrsfirði við þá Þóri haklang; Ingimundr vildi veita konungi, en Sæmundr eigi, ok skildi þar félag þeira. Eftir orrostuna gipti konungr Ingimundi Vígdísi, dóttur Þóris jarls þegjanda; þau Jörundr háls váru frillubörn hans. Ingimundr undi hvergi; því fýsti Haraldr konungr hann at leita forlaga sinna til Íslands. Ingimundr lézt þat eigi ætlat hafa, en þó sendi hann þá Finna tvá í hamförum til Íslands eftir hlut sínum; þat var Freyr ok görr af silfri. Finnar kvámu aptr, ok höfðu fundit hlutinn ok nát eigi; vísuðu þeir Ingimundi til í dal einum milli holta tveggja, ok sögðu Ingimundi alt landsleg, þar er hann skyldi byggja. Eptir þat byrjar Ingimundr för sína til Íslands, ok með honum Jörundr háls, mágr hans, ok Eyvindr sörkvir ok Ásmundr ok Hvati, vinir hans, ok þrælar hans. Þeir tóku fyrir sunnan land, ok váru allir um vetrinn á Hvanneyri með Grími, fóstbróður Ingimundar; en um várit fóru þeir norðr um heiðar. Þeir kvámu í fjörð þann er þeir fundu hrúta tvá; þat kölluðu þeir Hrútafjörð; síðan fóru þeir norðr um heruð ok gáfu víða örnefni; hann var um vetr í Víðidal í Ingimundarholti; þeir sá þaðan fjöll snælaus í landsuðr, ok fóru þann veg um várit; þar kendi Ingimundr lönd þau er honum var til vísat. Þórdís, dóttir hans, var alin í Þórdísarholti. Ingimundr nam Vatnsdal allan upp frá Helgavatni ok Urðarvatni fyrir austan; hann bjó at Hofi, ok fann hlut sinn, þá er hann gróf fyrir öndvegissúlum sínum.

áeggjun, f. instigation			horfinn, disappeared (42)
ágætr, distinguished (23)			hrútr, m. ram
alinn, born (ala)			hvergi, nowhere
bogsveigir, m. 'bow-bender'			jafnan, always
byrja, to begin			jartegn, n. token
félagi, m. comrade			landsleg, n. lie of the land
finnask, to be found			landsuðr, south-east
forlög, n. fortunes (44)			nát, got hold of (ná)
fóstbroðir, m. foster-brother			ófundinn, undiscovered
frillubarn, n. illegitimate child			púss, m. purse
fýsti, urged (fýsa)			skildi, parted (41)
fœddr, brought up (fœða)			snælauss, free from snow
Gautland, n. Götland in Sweden			spáði, foretold (spá, 21)
gróf, dug (grafa)			suðreyskr (40)
grœfi, should dig			undi, was content (una)
gøra við, to prevent			vá, killed (vega)
hamfarir, f. pl. charmed shape			veita, to assist
háls, m. 'neck'			Víði-dalr, m. 'willow-dale'
hersir, m. chief			vísa, to direct (40)
hlutr, m. amulet			völva, f. witch (21)
holt, n. stony ridge			örnefni, n. place-name

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.