Easy Readings In Old Icelandic
Chapter 43
Auðr hélt fyrst til Færeyja, ok gaf þar Álöfu, dóttur Þorsteins rauðs; þaðan eru Götuskeggjar komnir. Síðan fór hon at leita Íslands; hon kom á Vikarsskeið ok braut þar; fór hon þá á Kjalarnes til Helga bjólu, bróður síns; hann bauð henni þar með helming liðs síns, en henni þótti þat varboðit, ok kvað hon hann lengi mundu lítilmenni vera. Hon fór þá vestr í Breiðafjörð til Bjarnar bróður síns; hann gekk móti henni með húskarla sína, ok lézt kunna veglyndi systur sinnar; bauð hann henni heim með alla sína menn, ok þá hon þat. Eptir um várit fór Auðr í landaleit inn í Breiðafjörð, ok lagsmenn hennar; þau átu dögurð fyrir sunnan Breiðafjörð, þar er nú heitir Dögurðarnes; síðan fóru þau inn um Eyjarsund; þau lendu við nes þat, er Auðr tapaði kambi sínum; þat kallaði hon Kambsnes. Auðr nam öll Dalalönd í innanverðum firðinum frá Dögurðará til Skraumuhlaupsár; hon bjó í Hvammi við Örriðaárós; þar heita Auðartoftir; hon hafði bœnahald sitt á Krosshólum; þar lét hon reisa krossa, því at hon var skírð ok vel trúuð. Þar höfðu frændr hennar síðan átrúnað mikinn á hólana. Var þá gørr hörgr, er blót tóku ti!; trúðu þeir því at þeir dœi í hólana, ok þar var Þórðr gellir leiddr í áðr hann tók mannvirðing, sem segir í sögu hans.
Auðr var vegskona mikil; þá er hon var ellimóð, bauð hon til sín frændum sínum ok mágum ok bjó dýrlega veizlu; en er þrjár nætr hafði veizlan staðit, þá valdi hon gjafir vinum sínum ok réð þeim heilræði; sagði hon, at þá skyldi standa veizlan enn þrjár nætr; hon kvað þat vera skyldu erfi sitt. Þá nótt eptir andaðisk hon ok var grafin í flœðarmáli, sem hon hafði fyrir sagt, þvíat hon vildi eigi liggja í óvígðri moldu, er hon var skírð. Eptir þat spiltisk trúa frænda hennar.
| andaðisk, died (38) | átrúnaðr, m. belief, faith | ||
| austmaðr, m. Norwegian | átu, ate (eta) |
| bjóla (app. Gaelic) | landaleit, f. exploration | ||
| braut, broke, was wrecked (brjóta) | laun, f. secrecy | ||
| bœnahald, n. saying of prayers | leiddr, led (leiða) | ||
| djúpúðigr, (37) | lendu, landed (lenda) | ||
| Dyflinni, Dublin | lítilmenni, n. small-minded person | ||
| dýrlegr, splendid | magr, lean | ||
| dœi (subj.), died (deyja) | mágr, m. relative by marriage | ||
| dögurðr, m. day-meal | mannvirðing, f. distinction | ||
| ellimóðr, worn out with age | Merhæfi, Moray | ||
| erfi, n. funeral feast | mold, f. earth | ||
| feilan = Gael. faelán, wolf | óvígðr, unconsecrated | ||
| félag, n. partnership | reisa, to raise | ||
| flatnefr, m. 'flat-nose' | réðsk, betook himself (ráðask) | ||
| flœðarmál, n. beach | skeið, n. race-course | ||
| frjáls, free | skírðr, baptised (skíra) | ||
| gellir, m. 'roarer' | spiltist, was spoiled, lost (spilla) | ||
| gipti, married (40) | staðit, lasted (standa) | ||
| glumra, f. 'rattling' | sviku, played false (svíkja) | ||
| grafinn, buried (grafa) | tapa, to lose | ||
| Götu-skeggjar, m. pl. the people | trúa, f. faith; v. to believe | ||
| of Gata in the Fœröes. | trúaðr, believing | ||
| hausakljúfr, m. 'skull-cleaver' | tuttugu, twenty | ||
| heilræði, n. good counsel | unnu, won (vinna) | ||
| helmingr, m. half | Upplendingar, m. pl. men of Upp- | ||
| herkonungr, m. marauding king | land in Norway | ||
| hóll, m. knoll | valdi, chose (velja) | ||
| hörgr, m. place of heathen worship | varboðit, poorly offered | ||
| húskarl, m. man-servant | veglyndi, f. largemindedness | ||
| hvítbein, n. 'white-leg' | vegskona, f. largeminded woman |
| kambr, m. comb | vestrvíking, f. (36) | ||
| knörr, m. ship | vinr, m. friend | ||
| kross, m. cross | þá, accepted (þiggja) | ||
| lagsmaðr, m. comrade | örriði, m. trout |
<< Previous Page Next Page >>
© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.
|