Northvegr - Easy Readings In Old Icelandic

... In Iron Age Britain two brothers struggle for supremacy. The Archdruid prophesies kingship for one, banishment for the other. But it is the exiled brother who will lead the Celts across the Alps into deadly collision with Rome...

Home | Site Index | Heithinn Idea Contest |

Easy Readings In Old Icelandic

Chapter 35

King Harald and Gytha

Frá Gyðu Eiriksdóttur
Haraldr konungr sendi menn sína eptir meyju einni, er Gyða er nefnd, dóttir Eiríks konungs af Hörðalandi; hon var at fóstri á Valdresi með ríkum búanda; vildi konungr hana hafa til friðlu sér, því at hon var allfríð mær ok heldr stórlát. En er sendimenn kómu þar, þá báru þeir upp erendi sín fyrir meyna; hon svaraði á þessa lund, at eigi vill hon spilla meydómi sínum til þess, at taka til manns þann konung, er eigi hefir meira ríki en nökkur fylki til forráða: en þat þykki mér undarligt, segir hon, er engi er sá konungr, er svá vili eignask Noreg ok vera einvaldi yfir, sem hefir Gormr konungr at Danmörku eða Eiríkr konungr at Uppsölum. Sendimönnum þykkir hon svara furðu stórliga, ok spyrja hana máls um, hvar til svör þessi skulu koma; segja at Haraldr er konungr svá rikr, at henni er fullræði í. En þó at hon svari á annan veg þeira erendum en þeir mundu vilja, þá sjá þeir engan sinn kost til þess at sinni, at þeir mundu hana í brott hafa, nema hennar vili væri til þess; ok búast þeir þá ferðar sinnar. En er þeir eru búnir, leiða menn þá út; þá mælti Gyða við sendimenn, bað þá bera þau orð sín Haraldi konungi, at hon mun því at einu játta at gørast eiginkona hans, ef hann vill þat gøora fyrir hennar sakir áðr, at leggja undir sik allan Noreg ok ráða því ríki jafnfrjálsliga, sem Eiríkr konungr Svíaveldi, eða Gormr konungr Danmörku, "því at þá þykkir mér", segir hon, "hann mega heita þjóðkonungr."

Heitstrenging Haralds konungs

Sendimenn fara nú aptr til Haralds konungs ok segja honum þessi orð meyjarinnar, ok segja, at hon er furðu djörf ok úvitr, ok telja þat makligt, at konungr sendi lið mikit eptir henni við úsœmð. Þá sagði Haraldr konungr, at eigi hefði þessi mær illa mælt, eða gørt svá at hefnda væri fyrir vert, bað hana hafa mikla þökk fyrir orð sín; "hon hefir mint mik þeira hluta, er mér þykkir undarligt, er ek hefi eigi fyrr hugleitt." Ok enn mælti hann: "Þess strengi ek heit, ok því skýt ek til guðs, þess er mik skóp ok öllu ræðr, at aldri skal skera hár mitt né kemba, fyrr en ek hefi eignazk allan Noreg með sköttum ok skyldum ok forráði, en deyja at öðrum kosti." Þessi orð þakkaði honum mjök Guthormr hertogi, ok lét þat vera konungligt verk at efna orð sín.

allfríðr, very beautiful			mál, n. statement
búandi, m. yeoman			mey, acc. s. of mær
djarfr, bold			meydómr, m. maidenhood
efna, to fulfil			meyjar, meyju, g.s. and d.s. of
eiginkona, f. wedded wife			mær
eignask, to get possession of			mint, reminded (minna)
einvaldi, m. sole ruler			mær, f. maid
forráð, n. authority			skattr, m. tax
friðla, f. mistress			skera, to cut
fullræði, n. a full match			skóp, created (skapa)
furðu, wonderfully			skyld, f. due
fylki, n. district			skýt, refer (skjóta)
hefnd, f. avenging			spilla, to spoil
heitstrenging, f. vow			stórlátr, proud
heldr, rather			stórliga, arrogantly
hertogi, m. earl			svör, pl. of svar, n. answer
hugleitt, considered (-leiða)			úsœmð, f. disgrace
jafnfrjálsliga, as freely			úvitr, foolish
játta, to consent (17)			vert, n. worthy (verðr)
kemba, to comb			vili, m. will, consent
konungligr, royal			þakka, to thank
kostr, m. chance			þjóðkonungr, m. king of a people
leiða, to escort			því at eins, on that condition
lund, f. manner			only
makligr, fitting			þökk, f. thanks

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.