Northvegr - Easy Readings In Old Icelandic

Find out more about Nordic Magic Healing: Healing galdr, healing runes by Yves Kodratoff and how to get your copy.

Home | Site Index | Heithinn Idea Contest |

Easy Readings In Old Icelandic

Chapter 60

Christianity Adopted In Iceland

En um daginn eptir settisk Þorgeirr upp, ok gørði orð í búðir, at menn gengi til Lögbergs. Ok er menn kómu til Lögbergs, mælti hann, at honum þótti þá komit í óvænt efni á landinu, er menn skulu eigi hafa ein lög á landi hér, ok bað, at menn skyldu þat eigi gøra; sagði at þar af mundu gørask bardagar ok ófriðr, ok mundi þat ryðja til landauðnar. Hann sagði ok frá því, at konungar þeir, er annarr hét Dagr, sá var í Danmørku, en sá hét Tryggvi, er var í Noregi, þeir höfðu lengi haldit stríð millim sín, ok þar til er landsmenn námu þá ráðum ór hváru-tveggja ríkinu, ok gørðu frið millim þeirra, svá at þeir vildu eigi; en þat ráð gafsk svá, at þeir sendusk gjafir á millim á fára vetra fresti, ok hélzk þeira vingan meðan þeir lifðu báðir;---"Ok þykki mér þat ráð, at láta þá eigi ráða, er hér gangask með mestu kappi í móti, ok miðlum svá mál millim þeirra, at hvárir-tveggja hafi nokkut til síns máls, en vér höfum allir ein lög ok einn sið; því at þat man satt vera: ef vér slítum lögin, þá slítum vér friðinn." Þorgeirr lauk svá tölunni, at hvárir-tveggja játtu því, at þau lög skyldi halda, er hann réði upp at segja. Þá var þat uppsaga Þorgeirs, at allir menn skyldu vera skírðir á Íslandi, ok trúa á einn Guð; en um barnaútburð ok hrossakjöts át skulu haldask in fornu lög; menn skyldu blóta á laun ef vildi, en varða fjörbaugsgarði, ef váttum kœmi við. Sú heiðni var af tekin nökkurum vetrum síðarr. Allir Norðlendingar ok Sunnlendingar vóru skírðir í Reykjalaugu í Laugardal, er þeir riðu af þingi, því at þeir vildu eigi fara í kalt vatn. Hjalti mælti, er Rúnólfr var skírðr: "Gömlum kennum vér nú goðanum at geifla á saltinu." Þat sumar var skírðr allr þingheimr, er menn riðu heim.

át, n. eating			játta, to consent (55)
barna-útburðr, m. exposure of infants			kapp, n. rivalry
efni, n. state			kenna, to teach
fár, few			land-auðn, f. depopulation
fjörbaugs-garðr, m. the lesser out-			laun, f. secrecy (43)
lawry			miðla, to mediate
frestr, m. interval			millim, between
gafsk, succeeded (gefask)			ófriðr, m. hostility
geifla, to mumble			óvænn, unpromising
heiðni, f. heathenism			ryðja, to clear the way
hélzk, lasted (haldask)			slíta, to split, sever
hrossakjöt, n. horse-flesh			stríð, n. conflict
hvárr-tveggja, each			uppsaga, f. decision
hvárir-tveggja, both parts			varða, to be liable to

<< Previous Page

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.