Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 51

Haralds Reply To Athelstan

Annat sumar eptir sendi Haraldr konungr skip vestr til Englands, ok fekk til stýrimann Hauk hábrók. Hann var kappi mikill ok hinn kærsti konungi. Hann fekk í hönd honum Hákon son sinn. Haukr fór þá vestr til Englands á fund Aðalsteins konungs ok fann hann í Lundúnum; þar var þá boð fyrir ok veizla virðulig. Haukr segir sínum mönnum, þá er þeir koma at höllinni, hvernug þeir skulu hátta inngöngunni; segir, at sá skal síðast út ganga er fyrstr gengr inn, ok allir standa jafnfram fyrir borðinu, ok hverr þeira hafa sverð á vinstri hlíð ok festa svá yfirhöfnina at eigi sjái sverðit. Síðan ganga þeir í höllina; þeir váru þrír tigir manna. Gekk Haukr fyrir konung ok kvaddi hann. Konungr biðr hann vel kominn. Þá tók Haukr sveininn ok setr á kné Aðalsteini konungi. Konungr sér á sveininn, ok spyrr Hauk hví hann ferr svá. Haukr svarar: "Haraldr konungr bað þik fóstra honum ambáttar barn." Konungr varð reiðr mjök ok greip til sverðs, er var hjá honum, ok brá, svá sem hann vildi drepa sveininn. Haukr mælti: "Knésett hefir þú hann nú, ok máttu myrða hann ef þú vill, enn ekki mantu með því eyða öllum sonum Haralds konungs." Gekk Haukr síðan út ok allir hans menn; ok fara leið sína til skips ok halda í haf er þeir eru at því búnir, ok kómu aptr til Noregs á fund Haralds konungs, ok líkaði honum nú vel, því at þat er mál manna, at sá væri útignari er öðrum fóstraði barn.

ambátt, f. (13, 39)			knésett, set on the knee, adopted
boð, n. feast			kvaddi, greeted (kveðja, 27)
borð, n. table (32)			kærsti, dearest (kærr)
brá, drew (bregða)			leið, f. way
eyða, to destroy			líka, to please
festa, to fasten			mál, n. saying
fóstra, to foster			myrða, to murder (41)
greip, grasped (grípa)			síðast, last
hábrók, f. 'high-breech'			stýrimaðr, m. captian
hátta, to arrange, order			útignari, lower in rank (tiginn)
hvernug, in what way			veizla, f. (43)
innganga, f. entrance			vinstri, left
jafnfram, in a line			virðuligr, splendid
kappi, m. champion			yfirhöfn, f. cloak

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.