Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 24

Ragnar Kills the Snake

Í þann tíma réð fyrir Danmörku Sigurðr hringr. Hann var ríkr konungr, ok er frægr orðinn af þeiri orrostu, er hann barðisk við Harald hilditönn á Brávelli, ok fyrir honum féll Haraldr, sem kunnigt er orðit of alla norðrálfu heimsins. Sigurðr átti einn son, er Ragnarr hét; hann var mikill vexti, vænn yfirlits ok vel viti borinn, stórlyndr við sína menn, enn grimmr sínum óvinum. Þegar hann hafði aldr til, fær hann sér herskipa ok gørist hann enn mesti hermaðr, svá at varla fæsk hans maki. Hann spyrr þetta, er Herruðr jarl hafði um mælti; gefr hann at engan gaum, ok lætr sem hann viti eigi; hann lætr gøra sér föt með undarlegum hætti; þat eru loðbrœkr ok loðkápa, ok nú er gör eru, þá lætr hann þau vella í biki; síðan herðir hann þau. Þat er eitthvert sumar, er hann heldr her sínum til Gautlands, ok leggr í leynivág einn skip sitt, ok var skamt þaðan þar er jarl réð fyrir; ok er Ragnarr hafði þar eina nótt verit, vaknar hann snemma um morgininn, ríss upp ok tekr þessi en sömu vápnföt, er áðr var frá sagt, ok ferr í, ok tekr spjót mikit í hönd sér, ok gengr af skipunum einnsaman ok þar er sandr er, ok nú veltisk hann í sandinum; ok áðr hann gengr í brott, tekr hann geirnagla ór spjóti sínu, ok ferr nú einn frá skipunum til borgarhliðs jarls, ok kømr þar snemma dags, svá at allir menn vóru í svefni. Nú stýrir hann til skemmunnar; ok er hann kømr í skíðgarðinn, þar sem ormrinn var, leggr hann til hans með spjóti sínu, ok þá kippir hann at sér spjótinu; ok annat sinn leggr hann; þat lag kømr í hrygg orminum, ok nú vinzk hann við hart, svá at spjótit gekk af skaptinu, ok verðr svá mikill gnýr í hans fjörbrotum, at skemman skelfr öll. Ok nú snýr Ragnarr á brott; þá kømr blóðbogi milli herða honum, ok þat sakar hann eigi, svá hlífa honum klæði þau, sem hann lét gøra.

aldr, m. age (14)			loðbrœkr, f. pl. hairy trousers
barðisk, fought (berjask, 18, 19)			loðkápa, f. hairy cloak
bik, n. pitch			lætr, pretends (láta)
borgarhlið, n. castle gate			maki, m. equal
blóðbogi, m. stream of blood			milli, between
brott, away (= braut, 9, 15)			norðrálfa, f. northern half
einnsaman, alone			orðinn, become (verða)
eitthvert, one (einn-hverr)			óvinr, m. enemy
fjörbrot, n. pl. death-throes			ríss, rises (rísa)
föt, n. pl. clothes			saka, to injure
frægr, famous			sandr, m. sand
fæsk, is found (fá-sk)			skapti, n. shaft
gaumr, m. heed			skamt (23)
geirnagli, m. th nail of the spear-head			skelfr, shakes (skjálfa)
			skíðgarðr, (23)
gnýr, m. din			snemma, early
grimmr, fierce			snýr, turns (snúa)
hart, strongly (harðr)			spjót, n. spear
heldr, holds (halda)			stórlyndr, magnanimous
herða, to harden			stýra, to steer
herðr, f. shoulder (20)			svefn, m. sleep (13)
herskip, n. war-ship			undarlegr, strange
hilditönn, f. 'war-tooth'			vakna, to waken
hlífa, to protect			vápnföt, n. pl. armour
hryggr, m. back			varla, scarcely
hætti, dat. s. of háttr, m. fashion			vella, to boil
kippa, to pull			veltisk, rolls (veltask)
klæði, n. pl. clothes			vinzk, writhes (vindask)
kunnigt, known			vit, n. intelligence
lag, n. thrust			vænn, handsome
leggr, thrusts (leggja)			yfirlit, n. appearance
leynivágr, m. secluded inlet			þegar, as soon as

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.