Page 159

1. is uuord garu. sunu drohtines. Hueder thu that fan thi selbumu spri-
   
2. kis quad he. the it thi odre her· erlos sagdun. quadun umbi minan
   
3. kuningduom. Tho sprak eft the kesures bodo· uulank endi uured-
   
4. mod. thar he uuid uualdand krist rethiode an them rakude.
   
5. Ni bium ik theses rikies hinan quad he. giudeoliudio. ni gadoling
   
6. thin. thesaro manno maguuini. ac mi thi thius menigi biualah.
   
7. agabun thi thina gadulingos mi· iudeoliudi. haftan te handun.
   
8. huat habas thu harmes giduan. that thu so bittro scalt· bendi tholo-
   
9. ian· qualm undar thinumu kunnie. Tho sprak imu eft krist an-
   
10. gegin. helendero bezt. thar he giheftid stod an themu rakude
    
11. innan. Nis min riki hinan quad he· fan thesaru uueroldstundu.
    
12. Ef it ‡ uuari so. than uuarin so starkmode uuider stridhugi. uui-
    
13. der grama thioda· iungaron mine. so man mi ni gabi· iudeo liudiun.
    
14. hettendiun an hand. an herubendiun. te uuegeanne te uundrun.
    
15. Te thiu uuard ik an thesaru uueroldi giboran. that ik geuuitscepi
    
16. giu· uuares thinges. mid minun kumiun kuddi. that mugun antken-
    
17. nien uuel. the uueros the sind fan uuare kumane. the mugun min
    
18. uuord farstanden. gilobien minun lerun. || Tho ni mahte lasteres
    
19. uuiht· an them barne godes. bodo kesures· findan feknea uuord.
    
20. that he is ferhes be thiu· sculdig uuari. Tho geng he im eft uuid
    
21. thea scola iudeono· modag mahlien. endi theru menigi sagde. obar
    
22. hlust mikil. that he an themu hafton manne. sulica firinspraka.
    
23. finden ni mahti ‡. so he uuari is ferhes scolo. dodes uuirdig. || Than
    
24. stodun dolmode· iudeoliudi. endi thane godes sunu. uuordun