Page 157

1. them dage deruies uuiht· adelian ne gihordin· ac quadun that sie
   
2. im so hluttra· helaga tidi uueldin· iro pascha halden. Pilatus ant-
   
3. feng· at them uuamscadun. uualdandes barn· sundealosen. ||Tho
   
4. an sorgun uuard· iudases hugi· tho he ageban gisah· is drohtin te dode.
   
5. tho bigan imu thiu dad aftar thiu· an is hugea hreuuan. that he habde
   
6. is herron er· sundealosen gisald. Nam imu tho that ‡ silubar an hand·
   
7. thritig scatto. that man imu er uuid is thiodane gaf. geng imu
   
8. tho te them iudiun. endi im is grimmon dad· sundeon sagde. endi
   
9. im that silubar bod. gerno te agebanne. Ik hebbiu it so griolico
   
10. quad he· mid mines drohtines· drore gieopot. so ik uuet that it
    
11. mi ni thiit. Thiod iudeono· ni uueldun it tho antfahan. ac he-
    
12. tun ina ford aftar thiu. umbi sulica sundea. selbon ahton· huat he
    
13. uuid is frahon· gefrumid habdi. Thu sahi thi selbo thes quadun
    
14. sie. huat uuili thu thes nu soken te us? Ne uuit thu that thesumu
    
15. uuerode. Tho giuuet imu eft thanan· iudas gangan· te themu
    
16. godes uuihe. suido an sorgun. endi that filubar uuarp. an thena
    
17. alah innan. Ne gidorste it egan leng. For imu tho so an sorhtun·
    
18. so ina fiundo barn· modage manodun· habdun ‡ thes mannes hugi·
    
19. gramon undergripanen. Uuas im(a) god abolgan. that he imu selbon
    
20. tho· simon uuarhte. hneg tho an herusel· an hinginna· uuarag
    
21. an uurgil. endi uuiti gecos. hard hellie gethuing. het endi thiustri.
    
22. diap dodes dalu. huand he er umbi is drohtin suek.
    
23. (LXII.) Than bed that barn godes· bendi tholode. an themu thinghuse.
    
24. huan er thiu thiod under im· erlos enuuordie· alle uurdin.