Page 153

1. uuiht· firinuuerk furdur. eftha te is frahon kuman. herron huldi.
   
2. Nis enig helido so ald. that io mannes sunu mer gisahi. is selbes uuord
   
3. serur hreuuan. karon eftha kumien. Vuola crafteg god quad he. that
   
4. ik hebbiu mi so foruuerkot. so ik minaro uueroldes ni tharf· olat seg-
   
5. gean. ef ik nu te aldre scal· huldeo thinaro· endi hebenrikeas· theo-
   
6. den tholoian. than ni tharf mi thes enig thanc uuesan. liobo droh-
   
7. tin· that ik io te thesumu liohte quam. Ni bium ik nu thes uuirdig·
   
8. uualdand fro min. that ik under thine iungaron· gangan moti. thus
   
9. sundig under thine gesidos. ik iro selbo scal· midan an minumu
   
10. mode. nu ik mi sulic men gesprac. So gornode· gumono bezta·
    
11. hrau im so hardo· that he habde is herron tho. leobes farlognid. ||
    
12. Than ni thurbun thes liudio barn· uueros uundroian· be hui it
    
13. uueldi god· that so lioben man· led gistodi· that he so houlico· herron
    
14. sines· thurh thera thi uuord· thegno snellost· farlognide so
    
15. liobes. It uuas al bi thesun liudiun giduan. firiho barnun te
    
16. frumu. He uuelde ina te furiston doan. herost obar is hiuuiski.
    
17. helag drohtin. let ina gekunnon· hullike craft. habet the men-
    
18. nisca mod. ano the maht godes. let ina gesundion. that he sidor
    
19. thiu bet· liudiun gilobdi. huo liof is that· manno huilicumu· than
    
20. he men gefrumit· that man ina alate· ledes thinges· sacono en-
    
21. di sundeono· so im tho selbo dede. hebenrikies god. harmgeuurhti.
    
22. (LX.) Be thiu nis mannes bag· mikilun biderbi· hagustaldes hrom.
    
23. ef imu thiu helpe godes· gesuikid thurh is sundeo. than is imu
    
24. san aftar thiu· breosthugi blothora. thoh he er bihet spreca· hromie