Page 138

1. thunkid mi thit somi thing quad he. fro min the godo. that thu mine
   
2. foti thuahes. mid them thinun helagun handun. Tho sprak imu eft
   
3. is herro angegin. uualdand mid is uuordun. Ef thu is uuillean ni
   
4. habes quad he. te antfahanne· that ik thine foti thuahe. thurh sulica
   
5. minnea. so ik thesun odrun mannun her· dom thurh diurda. than
   
6. ni habes thu enigan del mid mi. an hebenrikea. || hugi uuard tho
   
7. giuuendid· simon petruse. thu haba thi selbo giuuald ‡· fro min the
   
8. godo. foto endi hando. endi mines hofdes so sama. thiadan te thua-
   
9. hanne. te thiu that ik moti thina ford· huldi hebbian. endi heben-
   
10. rikies· sulic gideli. so thu mi drohtin uuili. fargeben thurh thina godi.
    
11. Iungaron kristes· thene ambahtscepi· erlos tholodun. thegnos mid
    
12. githuldi. so huat so im iro thiodo dede· mahtig thurh thea minnea.
    
13. endi mende imu al mera thing.
    
14. (LV.) Firihon te gifrummienne. fridubarn godes. geng imu tho eft
    
15. gisittien· undar that gesido folc. endi im sagda filu· langsamna
    
16. rad. || Uuard eft lioht kuman· morgen te mannun. mahtigne crist.
    
17. grottun is iungaron. endi fragodun huar sie is goma tho· an themu
    
18. uuihdage. uuirkien scoldin. huar he uueldi halden. thea helagon
    
19. tidi. selbo mid is gesidun. Tho he sie sokien het· thea gumon hieru-
    
20. salem. so gi than gangan kumad quad he. an thea burg innan. thar
    
21. is braht mikil. meginthiodo gimang. thar mugun gi enan man
    
22. sehan. an is handun dragen· hluttres uuatares. fullien mid ‡ folmun.
    
23. themu gi folgon sculun. an so huilike gardos· so gi ina gangan gisehat·
    
24. ia gi than themu herron. the thie hobos egi. selbon seggiad. that ik