Page 125

1. themu uuibe· huat sagde ik thi te uuarun er quad he. ef thu gilobien
   
2. uuili. than nis nu lang te thiu· that thu her antkennien scalt· craft
   
3. drohtines. the mikilon maht godes. || Tho gengun manage to· afho-
   
4. bun harden sten. tho sah the helago crist· up mid is ogun. olat
   
5. sagde· themu the these uuerold giscop. thes thu min uuord gihoris
   
6. quad he· sigidrohtin. selbo ik uuet. that thu so simlun duos. Ac ik
   
7. duom it· be thesumu groton· iudeono folke. that sie that te uuarun
   
8. uuitin· that thu mi an these uuerold sendes. thesun liudiun te lerun.
   
9. Tho he te lazaruse hriop· starkaru stemniu. endi het ina upstanden.
   
10. ia fan themu grabe gangan. Tho uuard the gest kumen. an thene
    
11. lichamon. he bigan is lidi hrorien. antuuarp undar themu giuue-
    
12. die. uuas imu so beuunden tho noh. an hreobeddion bihelid. het
    
13. imu helpen tho· uualdandeo krist. Uueros gengun to. antuun-
    
14. dun that geuuadi· uuanu up ares· lazarus te thesumu liohte.
    
15. uuas imu is lif fargeben. that he is aldarlagu· egan mosti. fridu
    
16. forduuardes. Tho fagonadun bedea· maria endi martha· ni
    
17. mag that man odrumu· giseggian te sode. buo thea gesuest
    
18. tuo· mendiodun an iro mode. Maneg uundrode· iudeo-
    
19. liudio· tho sie ina fan themu grabe sahun. sidon gesunden.
    
20. thene the er suht farnam. endi sie bidulbun· diapo undar erdu·
    
21. libes losen. tho moste imu libbien ford· hel an hemun. So mag
    
22. hebenkuninges· thiu mikile maht godes· manno gehuilikes·
    
23. ferahe giformon, endi uuid fiundo nid· helag helpen. so huemu
    
24. so he is huldi fargibid.