Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 53

The Settlement Of Greenland

Þeir Eiríkr urðu sekir á Þórsnesþingi; hann bjó skip í Eiríksvági; en Eyjólfr leyndi honum í Dímunarvági, meðan þeir Þorgestr leituðu hans um eyjar. Þeir Þorbjörn ok Eyjólfr ok Styrr fylgðu Eiríki út um Eyjar; hann sagði þeim, at hann ætlaði at leita lands þess, er Gunnbjörn son Úlfs kráku sá er hann rak vestr um Ísland, þá er hann fann Gunnbjarnarsker; hann kvaðsk aptr mundu leita til vina sinna, ef hann fyndi landit. Eiríkr sigldi undan Snæfellsnesi, en hann kom utan at Miðjökli, þar sem Bláserkr heitir; hann fór þaðan suðr með landi at leita þess ef þanning væri byggjandi. Hann var enn fyrsta vetr í Eiríksey, nær miðri enni vestri bygð; um várit eftir fór hann til Eiríksfjarðar, ok tók sér þar bústað; hann fór þat sumar í ena vestri óbygð, ok gaf víða örnefni. Hann var annan vetr í Eiríkshólmum við Hvarfsgnípu; en et þriðja sumar fór hann alt norðr til Snæfells, ok inn í Hrafnsfjörð; þá lézk hann kominn fyrir botn Eiríksfjarðar; hvarf hann þá aptr, ok var enn þriðja vetr í Eiríksey fyrir mynni Eiríksfjarðar. Eptir um sumarit fór hann til Íslands, ok kom í Breiðafjörð; hann var þann vetr á Hólmslátri með Ingólfi. Um várit börðust þeir Þorgestr, ok fekk Eiríkr þá ósigr; eptir þat váru þeir sættir. Þat sumar fór Eiríkr at byggja land þat, er hann hafði fundit, ok hann kallaði Grœnland, þvíat hann lét þat menn mjök mundu fýsa þangat, ef landit héti vel.
Svá segja fróðir menn, at þat sumar fóru fimm og tuttugu skipa til Grœnlands ór Breiðafirði ok Borgarfirði, en fjórtán kómusk út; sum rak aftr, enn sum týndusk; þat var fimtán vetrum fyrr enn kristni var i lög tekin á Íslandi.

botn, m. head (41)			lézk, declared himself (látask)
bygð, f. settlement			mynni, n. mouth
byggjandi, habitable			óbygð, f. uninhabited district
fyrir, over against			ósigr, m. defeat
fýsa, to urge			rak hann (39)
gnípa, f. peak			sekr, outlawed
hvarf, turned (hverfa, 42)			undan, from under
kráka, f. 'crow'			utan, in from the sea
kristni, f. Christianity			þanning, in that direction
leyndi, concealed (leyna)			örnefni, n. place-name (45)

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.