Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 59

A Scene At The Althing

Þeir Gizurr riðu þar til er þeir kómu til Vellankötlu við Ölfusvatn; þá gørðu þeir orð til Alþingis, at vinir þeirra ok venzlamenn skyldu ríða í mót þeim. Þeir höfðu þá spurt, at óvinir þeirra ætluðu at verja þeim þingvöllinn. En áðr þeir riði frá Vellankötlu, kómu þeir Hjalti þar, ok vóru þá frændr þeirra ok vinir komnir í móti þeim; riðu þeir þá á þing með miklum flokki, ok til búðar Ásgríms Elliðagríms sonar, systursonar Gizurar. Þa hljóðu inir heiðnu menn saman með alvæpni, ok hafði stórnær at þeir mundu berjask; en þó vóru þeir sumir, er skirra vildu vandræðum, þó at eigi væri kristnir. Þormóðr hét prestr, sá er Ólafr konungr hafði fengit þeim Hjalta ok Gizuri; hann söng messu um daginn eptir á gjábakka, upp frá búð Vestfirðinga. Þaðan gengu þeir til Lögbergs. Þar vóru sjau menn skrýddir; þeir höfðu krossa tvá, þá er nú eru í Skarðinu eystra; merkir annarr hæð Ólafs konungs, enn annarr hæð Hjalta Skeggjasonar. At Lögbergi var allr þingheimr. Þeir Hjalti höfðu reykelse á glóð, ok kendi svá í gegn vindi sem forvindis ilminn. Þá báru þeir Hjalti ok Gizurr upp erendi sín vel ok sköruliga; en þat undruðu menn hversu snjallir þeir vóru, ok hversu vel þeim mæltisk; en svá mikil ógn fylgði orðum þeirra, at engir óvinir þeirra þorðu at tala í móti þeim. En þat gørðisk þar at, at annarr maðr at öðrum nefndi sér vátta, ok sögðusk hvárir ór lögum við aðra, enir kristnu menn ok enir heiðnu. Þá kom maðr hlaupandi ok sagði, at jarðeldr var upp kominn í Ölfusi ok mundi hann hlaupa á bœ Þórodds goða. Þá tóku heiðnir menn til orðs: "Eigi er undr í at goðin reiðisk tölum slíkum." Þá mælti Snorri goði: "Um hvat reiddusk goðin þá, er hér brann hraunit, er nú stöndum vér á?" Eptir þat gengu menn frá Lögbergi. Þá báðu inir kristnu menn, at Síðu-Hallr keypti hálfu hundraði silfrs at Þorgeiri, er þá hafði lögsögu, at hann segði upp lög hvár-tveggi, kristin ok heiðin, ok var hann þá enn eigi skírðr. En þá er menn kómu í búðir, lagðisk Þorgeirr niðr ok breiddi feld á höfuð sér, ok lá allan daginn ok um nóttina, ok annan daginn til jafnlengdar. Enir heiðnu menn höfðu þá stefnu fjölmenna, ok tóku þat ráð at blóta tveimr mönnum ór hverjum fjórðungi, ok hétu á heiðin goð til þess, at þau léti eigi kristni ganga yfir landit.

alvæpni, n. full arms			búð, f. booth
blóta, to sacrifice (42)			feldr, m. cloak
breiða, to spread			fjölmennr, numerous

_____________

fjórðungr, m. quarter (47)			reiðask, to become angry
flokkr, m. company			reykelsi, n. incense
forvindis, with the wind			skírðr, baptized (43)
gegn, í, against			skirra, to remove
gjábakki, m. the bank of the Cleft (Almanna-gjá)			skrýddr, wearing vestments
			sköruliga, eloquently
glóð, f. live coal			snjallr, eloquent
hraun, n. lava-field (46)			stefna, f. meeting
hvár-tveggi, both			stór-nær, very near
hæð, f. height			tala, f. talk, speech
ilmr, m. scent			undruðu, marvelled (undra)
jafn-lengd, f. the same hour			vandræði, n. trouble
jarðeldr, m. volcanic fire			váttr, m. witness
keypti, purchased (kaupa)			venzlamaðr, m. kinsman
Lögberg, n. the rock of laws			verja, to defend
lögsaga, f. speakership			þingheimr, m. those present at the 'thing'
merka, to mark
mæltisk, was spoken			þingvöllr, m. place of assembly
ógn, f. dread			þorðu, dared (þora)

óvinr, m. opponent

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.