Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 46

Grím And The Merman

Grímr hét maðr, Ingjaldsson, Hróaldssonar ór Haddingjadal, bróðir Ása hersis; hann fór til Íslands í landaleit, ok sigldi fyrir norðan landit; hann var um vetrinn í Grímsey á Steingrímsfirði; Bergdís hét kona hans, enn Þórir son þeira. Grímr røri til fiska um haustit með húskarla sína, en sveinninn Þórir lá í stafni, ok vár í selbelg, ok dreginn at hálsinum. Grímr dró marmennil, ok er hann kom upp, spurði Grímr: "Hvat spár þú oss um forlög vár hvar skulu vér byggja á Íslandi?" Marmennill svarar: "Ekki þarf ek at spá yðr, en sveininum er liggr í selbelginum; hann skal þar byggja ok land nema, er Skálm, merr yður, legsk undir klyfjum." Ekki fengu þeir fleiri orð af honum. Enn síðar um vetrinn røru þeir Grimr svá at sveinninn var á landi; þá týndusk þeir allir. Þau Bergdís ok Þórir fóru um várit ór Grímsey, ok vestr yfir heiði til Breiðafjarðar; þá gekk Skálm fyrir ok lagðisk aldri. Annan vetr váru þau á Skálmarnesi í Breiðafirði; en um sumarit eptir snøru þau suðr: þá gekk enn Skálm fyrir, þartil er þau kvámu af heiðum suðr til Borgarfjarðar, þar sem sandmelir tveir rauðir stóðu fyrir; þar lagðist Skálm niðr undir enum ytra melnum; þar nam Þórir land fyrir sunnan Gnúpá til Kaldár, fyrir neðan Knappadal, milli fjalls ok fjöru. Hann bjó at Rauðamel enum ytra; hann var höfðingi mikill. Þá var Þórir gamall ok blindr, er hann kom út síð um kveld, ok sá at maðr røri utan í Kaldárós á járnnökkva, mikill ok illilegr, ok gekk þar upp til bœjar þess er í Hripi hét, ok gróf þar í stöðulshliði; en um nóttina kom þar upp jarðeldr, ok brann þá Borgarhraun; þar var bœrinn, sem nú er borgin.

blindr, blind			melr, m. ridge, bank
borg, f. castellated rock			merr, f. mare
bœr, m. homestead			røri, rowed (róa)
dreginn, drawn together (draga)			sandmelr, m. a sandy ridge
dró, pulled up (draga)			selbelgr, m. sealskin bag
háls, m. neck (45)			síðar, later
hraun, n. lava-field			snøru, turned (snúa, 24, 27)
illilegr, evil-looking			stafn, m. stern, prow (40)
jarðeldr, m. volcanic fire			stöðulshlið, n. gate of the milking-pen
Járnnökkvi, m. iron boat
klyf, f. pack			týndusk, were lost (40)
lagðisk, lay down (leggjask)			þarf, need (þurfa)
legsk, lies down			yðarr, your
marmennill, m. merman			ytra, outer

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.