Northvegr - Easy Readings In Old Icelandic

Home | Site Index | Heithinn Idea Contest |

Easy Readings In Old Icelandic

Chapter 54

The Vows Of The Jóms-Víkings

Sveinn konungr gørði mannboð rikt ok stefndi til sin öllum höfðingjum, þeim er váru í ríki hans; hann skyldi erfa Harald föður sinn. Þá hafði ok andazk litlu áðr Strútharaldr á Skáneyju, ok Véseti í Borgundarhólmi, faðir þeira Búa digra. Sendi konungr þá orð þeim Jómsvíkingum, at Sigvaldi jarl ok Búi ok brœðr þeira skyldu þar koma ok erfa feðr sína at þeiri veizlu er konungr gørði. Jómsvíkingar fóru til veizlunnar með öllu liði sínu, því er frœknast var. Þeir höfðu fjóra tigi skipa af Vindlandi en tuttugu skip af Skáni. Þar kom saman allmikit fjölmenni. Fyrsta dag at veizlunni, áðr Sveinn konungr stigi í hásæti föður síns, þá drakk hann minni hans ok strengði heit, áðr þrír vetr væri liðnir, at hann skyldi kominn með her sinn til Englands, ok drepa Aðalráð konung eða reka hann ór landi. Þat minni skyldu allir drekka, þeir er at erfinu váru. Þá var skenkt höfðingjum Jómsvíkinga, ok borit æ fullast ok sterkastr drykkr. En er þat minni var af drukkit, þá skyldi drekka Krists minni allir menn. Þá var Jómsvíkingum borin hin stœrstu horn af hinum sterkasta drykk, er þar var. Hit þriðja var Mikjáls minni, ok drukku þat allir. Enn eptir þat drakk Sigvaldi jarl minni föður síns, ok strengði heit síðan, at áðr þrír vetr væri liðnir, skyldi hann vera kominn á Noreg, ok drepa Hákon jarl eða reka hann ór landi. Síðan strengði heit Þorkell hávi bróðir Sigvalda, at hann skyldi fylgja honum til Noregs, ok flýja eigi ór orrostu, svá at Sigvaldi berðisk þá eptir. Þá strengði heit Búi digri, at hann mundi fara til Noregs með þeim ok flýja eigi ór orrostu fyrir Hákoni jarli. Þá strengði heit Sigurðr bróðir hans, at hann mundi fara til Noregs, ok flýja eigi, meðan meiri hlutr Jómsvíkina berðisk. Þá strengði heit Vagn Ákason, at hann skyldi fara með þeim til Noregs, ok koma eigi aptr, fyrr er hann hefði drepit Þorkel leiru ok gengit í rekkju hjá Ingibjörgu dóttur hans utan frænda ráð. Margir höfðingjar aðrir strengðu heit ýmissa hluta. Drukku menn þann dag erfit. En eptir um morgininn, þá er Jómsvíkingar váru údruknir, þóttusk þeir hafa fullmælt, ok hafa málstefnur sínar ok ráða ráðum, hvernug þeir skulu til stilla um ferðina; ráða þat af at búast þá sem skyndi-igast. Búa þá þegar skip sín ok herlið. Varð þat allfrægt víða um lönd.

allfrægr, very famous			mannboð, n. feast
berðisk (subj.), should fight			minni, n. memory, toast
Borgundarhólmr, m. Bornholm			ráða af, to decide
borit, carried (bera)			rekkja, f. bed
digri, stout			ríkr, splendid
drykkr, m. drink			Skáney, f. Skaane in Sweden
erfa, to honour with a funeral feast			skenkt, poured out, served (skenkja)
erfi, n. funeral feast			skyndiliga, quickly
fjölmenni n. number			stefndi, summoned (49)
frœkn, brave			sterkastr, strongest
fullmælt, spoken enough			stigi (subj.), ascended (stíga)
herlið, n. fighting force			stilla, v. to arrange
hvernug, in what way			stœrsti, largest
leira, f. 'mud-bank'			údrukkinn, not intoxicated
liðinn, past (líða)			ýmiss, various
málstefna, f. council			æ, always

<< Previous Page Next Page >>

© 2004-2007 Northvegr.
Most of the material on this site is in the public domain. However, many people have worked very hard to bring these texts to you so if you do use the work, we would appreciate it if you could give credit to both the Northvegr site and to the individuals who worked to bring you these texts. A small number of texts are copyrighted and cannot be used without the author's permission. Any text that is copyrighted will have a clear notation of such on the main index page for that text. Inquiries can be sent to info@northvegr.org. Northvegr™ and the Northvegr symbol are trademarks and service marks of the Northvegr Foundation.